Albiste Sekzioaren argazkia
Jardunaldiaren kartela

EUSKO JAURLARITZAK NAGUSIEKIKO GOBERNANTZARAKO EUSKAL ESTRATEGIA 2019-2021RAKO AURKEZTUKO DU

Sareen Sareak eredu ireki eta kolaboratiboari buruzko eztabaidan parte hartuko du

Ikusi irakurketa erraza

Datorren abenduaren 19an, Eusko Jaurlaritzaren Enpleguko eta Gizarte Politiketako Sailak Nagusiekiko gobernantzarako euskal estrategia (2019-2021) aurkeztuko du.

Aurkezpen hau Euskalduna Jauregian izango da.

Ekitaldi honetan Eusko Jaurlaritzako maila altuko ordezkariak zein Gobernantzaren eta Berrikuntza Sozialaren alorreko erreferentziazko hizlariak egongo dira.

Aukera emango digu biztanleen zahartzearekin loturiko egungo egoerak sortzen dizkigun erronka eta aukerei buruz hausnartzeko, gobernantza eredu kolaboratiboei dagokienez.

Jardunaldian Pablo Gonzalezek, Sareen Sareko presidentea, Eusko Jaurlaritza ireki eta kolaboratibo baterako testuingurua eta lanerako sinergia-ri buruzko elkarrizketan parte hartuko du.

Elkarrizketan parte hartuko dute ere, Natxo Arnaiz Bolunta-ren elkarte sustatzailea eta Euskal Boluntariotza Kontseiluko kidea eta Javier Bikandi, Eusko Jaurlaritzako Herritarrak Hartzeko eta Administrazioa Berritzeko eta Hobetzeko zuzendariarekin batera.

Estrategia honek hurrengo egoerari erantzun eman nahi dio, Euskadiko persona nagusiak bizitza publikoan paper aktibo bat eskatzen ari dira.

Euskadin gizarte zibil zahartuta daukagu, pertsonen %21ak 65 urteetako muga gainditu du.

Etorkizunerako aurreikuzpenak diotenez, 15 urte barru %32a baino gehiago izango dira. Modu berean, 80 urtetik gorakoak, biztanleria guztiaren %10 izango dira.

Datorren abenduaren 19an, Eusko Jaurlaritzaren Enpleguko eta Gizarte Politiketako Sailak Nagusiekiko gobernantzarako euskal estrategia (2019-2021) aurkeztuko du, eta hori aplikatzeko eredu praktikoa AGENDA NAGUSI, Euskalduna Jauregian.

Elkarrizketa Zibilerako Mahaiaren argazkia

ELKARRIZKETA ZIBILEKO MAHAIAK EUSKADIKO HIRUGARREN SEKTORE SOZIALA SUSTATZEKO ESTRATEGIAREN BATZORDEA ERATU DU

Etxebizitza, DBE, Gizarteratzeko plana, jorratutako beste gai batzuen artean

Ikusi irakurketa erraza

Euskadiko Elkarrizketa Zibileko Mahaia da Eusko Jaurlaritzaren eta Euskadiko Hirugarren Sektore Sozialeko sareen arteko eztabaidarako organo gorena.

Mahai horrek atzo onartu zuen Hirugarren Sektore Soziala Sustatzeko Estrategiaren Jarraipenerako Batzordea eratzea.

Batzorde horretan hartuko dute parte Eusko Jaurlaritzako hiru kidek eta sektore sozialaren hiru ordezkarik.

Saioan izan ziren Mahaiako eta SAREEN SAREAko presidentea, Enplegu eta Gizarte Politiketako sailburua, Gizarte Politiketako sailburuordea, Enplegu eta Gazteriako sailburuordea, Etxebizitza sailburuordea, Familia Politikako eta Aniztasuneko zuzendari eta Enplegu eta Gizarteratzeko zuzendari, sektore sozialeko sareetako ordezkariekin batera.

Aipatutako Estrategia horri jarraipena egiteko batzordea eratzea onartzeaz gain, jarraipena egin zioten laneko batzorde mistoen azken bi bilerei eta Diru-sarrerak bermatzeko eta gizarteratzeko Lege berrituaren inguruko eztabaida ere egin zuten.

Gai horren izapidetzeak egiteko, gobernu-koalizioa osatzen duten bi alderdiek Legebiltzarrean akordioren bat lortu behar dute oposizioko talderen batekin.

Etxebizitza sailburuordeak Etxebizitzaren Gida Plana aurkeztu zuen.

Sektore sozialak eskatu zuen zabal dadila parte-hartzea Etxebizitzako Prestazio Ekonomikoaren dekretua prestatzeko prozesuan, behin betiko zirriborroa amaitu baino lehen.

Euskadiko hiri nagusietako etxerik gabeko pertsonen azken zenbaketak dio igo egin dela kopurua aurreko urteetatik.

Datu hori ikusita, Jaurlaritza eta Hirugarren Sektore Soziala bat datoz, eta esan dute, ahaleginak egiten ari diren udalerriei lagundu egin behar zaiela.

Esan dute ere bai, baliabideak behar direla errealitate horri aurre egin eta aurten onartutako Etxerik Gabeko Pertsonen Euskal Estrategia datuek erakusten dizkiguten joeretara egokitzeko.

Emakumeei arreta berezia eskaini behar zaie, zaurgarritasun handiagoa baitute.

Jaurlaritzak jakinarazi zuen, abenduan, lehendakaria buru izango duen ekitaldi bat egiteko asmoa dutela, Immigrazioaren aldeko Itun Soziala aurkezteko eta haren aldeko atxikipenak bilatzeko.

Proposamen irekia da eta gizartean eta erakundeetan adostasun partekatua bilatzea du helburu, hala, beste herrialde batzuetatik pertsonak etortzeak eskatzen duen eraldatze sozialaren prozesuari ondo aurre egiteko.

Hirugarren Sektore Sozialeko ordezkariek ere jaso dute prozesu horretan parte hartzeko gonbidapena.

Euskadiko Elkarrizketa Zibileko Mahaia (MDCE, gaztelaniaz) da Eusko Jaurlaritzaren eta Euskadiko Hirugarren Sektore Sozialeko (TSSE, gaztelaniaz) sareen arteko eztabaidarako organo gorena eta Mahai horrek atzo onartu zuen TSSE Sustatzeko Estrategiaren Jarraipenerako Batzordea eratzea. Batzorde horretan hartuko dute parte Eusko Jaurlaritzako hiru kidek eta sektore sozialaren hiru ordezkarik.

2018ko Astialdi Kongresuaren kartela

ASTIALDI SAREAK ASTIALDI HEZITZAILEARI BURUZKO NAZIOARTEKO I. KONGRESUA ANTOLATZEN DU

Barakaldon ospatuko da hurrengo urriaren 19 eta 20an

Ikusi irakurketa erraza

Astialdi hezitzaileari buruzko nazioarteko I. kongresua urriaren 19 eta 20an burutuko da Barakaldon.

Kongresuaren leloa “inklusioan aurrera eginez” izango da.

ASTIALDI SAREAK, eta Euskal Herriko Unibertsitateak antolatuta dago, Eusko Jaurlaritzaren laguntzarekin.

Nazioarteko irismenarekin, elkarrekin hausnartu, solastu eta eraikitzeko gonbita da Kongresua.

Euskal Herriko astialdi hezitzailea sustatu eta sendotzean aurrera egiteko.

Kongresuan gizarte inklusiboagoa eraikitzeko erronkei buruz hitz egingo da astialdi hezitzailearen bitartez.

Kongresua Astialdiko elkarte eta zerbitzuei zuzenduta dago, ala ere, administrazio publikoei, hezkuntza zein gizarte zientzien arloko unibertsitateko irakasleria zein ikasleriari.

Hirugarren Sektoreko erakundeei, gizarte eta hezkuntza proiektuekin lotutako entitateei.

Zerbitzu sozio-hezitzaile eta kulturaleko enpresei eta herritarren ordezkariei zuzenduta dago.

Gizarte eta hezkuntza politiketan erantzukizuna duten alderdi politikoei.

Astialdi hezitzaileari buruzko nazioarteko I. kongresua urriaren 19 eta 20an burutuko da Barakaldon “inklusioan aurrera eginez” lelopean. ASTIALDI SAREAK, Euskal Herriko haur, nerabe eta gazteekin gizarte esku-hartzean eta aisialdi hezitzailean diharduten erakundeen sareak, eta Euskal Herriko Unibertsitateak antolatuta dago, Eusko Jaurlaritzako Enpleguko eta Gizarte Politiketako Sailaren laguntzarekin.

2018ko GSEFen argazkia

GSEF 2018K BATERAKO ADIERAZPENA AURKEZTU DU AMAIERA EKITALDIAN

GSEF 2020ren hiri anfitrioia Mexiko izango da

Ikusi irakurketa erraza

Ekonomia Sozialaren Foro Globala (GSEF) atzo amaitu zen Bilboko alkateak, eta GSEFko presidentekide berriak, zuzendutako ekitaldiarekin.

GSEF 2018ren antolaketak egunotan egindako lanaren inguruko oso balorazio positiboa egin du.

84 herrialdetako 1.700 pertsona baino gehiago eta mundu osoko gobernatzaileak, alkateak eta alkateordeak bildu ditu.

Errealitate bihurtu nahi duten ideia eta esperientzia onen benetako laborategia izan da.

Amaiera-ekitaldian, tokiko garapen inklusiboa eta jasangarria lortzeko sektore honek duen garrantziarekin lotuta Ekonomia Sozialari buruzko Nazioarteko Foro honen amaierako adierazpena irakurri zuten.

Bilbo Adierazpena izenekoak Ekonomia Sozialeko, tokiko eta eskualdeetako gobernuetako, sareetako eta beste erakunde laguntzaile batzuetako ordezkariek honako hauekiko duten konpromisoa jasotzen du:

- politika publikoak elkarrekin eraikitzen eta garatzen jarraitzea.

- lehentasuna ematea gizarte zibilaren ekarpena biltzea eta koordinatzea ahalbidetzen duten prozesu eta foroei laguntza emateari.

- jardunbide egokiak hedatzeko eredu ekonomiko honen inguruko ikerketa-lanak bultzatzea.

- kide diren estatuek NBEri ekonomia sozialaren eta solidarioaren inguruko ebazpena eska diezaioten defendatzea.

- lurraldeen arteko (hirikoak eta landatar eremukoak) loturak bultzatzen jarraitzea eta gobernu maila guztietako politiketan koherentzia handiagoa lortzeko lan egitea.

- finantza etikoak, alternatiboak eta solidarioak mobilizatzea, eta tokiko aurrezkiak ekonomia soziala eta ekonomia sozial solidarioa bultzatzera bideratzea.

- sustapeneko eta kontsumoko zirkuituetan gardentasun handiagoa lortzeko ingurumen arloko ekintzak hobetzea.

GSEFn parte hartu duten pertsonen desioa da 2020an Mexikon egingo den GSEF ekimenean Bilbon orain planteatutako erronka horietako batzuk bete eta errealitate bihurtu ahal izatea.

Amaiera-ekitaldian, gainera, foro globalaren hurrengo edizioetan beren espazioa izatea eskatu zuten gazteek. Erakundeak eskaera aintzat hartuko duela adierazi zuen.

Bestalde, GSEFko presidentekideak azken bi urteotan Tokiko Batzorde Antolatzailean (TBA) parte hartu duten erakunde publikoei eta ekonomia sozialeko sareei esker oneko plaka bat entregatu zien (irudiak ikus dezakegun moduan).

Erakunde horien artean daude hauek: SAREEN SAREA, Ehlabe, Gizatea, REAS Euskadi, Asle eta Konfekoop.

GSEF 2018k iraun duen bitartean, TBAn ez ezik, SAREEN SAREAk beste era batera ere parte hartu du: hitzaldi bat aurkeztu du, bi tailerretako moderatzaile-lanak egin ditu eta ekonomia sozialeko jardueren/enpresen adibide espezifikoak ikusteko aukera eskaintzen zuten ibilbide tematikoetako bat koordinatu du.

Zehatzago esanda, Koopera, Eragintza eta Etxegokiren (Fekoor) ekonomia sozialeko jarduerak ezagutzeko aukera eman du.

Hiru egunez lan handia egin ostean, Ekonomia Sozialaren Foro Globala (GSEF) atzo amaitu zen Bilboko alkateak, Juan Mari Aburtok, eta GSEFko presidentekide berriak, Joung Youl Kim-ek, zuzendutako ekitaldiarekin.

Bidezko merkataritzaren 10 irizpide

SAREEN SAREAK BAT EGIN DU BIDEZKO MERKATARITZAREN NAZIOARTEKO GUTUNAREKIN

Aurkezpena irailaren 25ean egingo dute 2030 Agenda eta Nazio Batuen Garapen Jasangarriko Helburuak onartu ziren hirugarren urteurrenean

Ikusi irakurketa erraza

Mundu osoan eta mendetan zehar, pertsonek elkarrekiko onuran eta elkartasunean oinarritutako harreman ekonomiko eta komertzialak garatu dituzte.

Bidezko Merkataritzak ideia horiek aplikatzen ditu nazioarteko merkataritzak gaur egungo mundu globalizatuan dituen erronketan.

Bidezko Merkataritzaren mugimendua pertsonek, erakundeek eta sareek osatzen dute;

horiek munduaren ikuspegia partekatzen dute, justizia, berdintasuna eta garapen jasangarria izan daitezen merkataritzako jardueren eta egituren gunea, eta hala, denek, lanaren bidez, bizi-estilo zintzoa eta duina izan eta giza potentziala osorik gara dezaten.

Gutuna World Fair Trade Organization eta Fairtrade International erakundeek, Bidezko Merkataritzaren mundu mailako sare handienek, egin dute, Bidezko Merkataritzaren mugimendurako erreferentzia komuneko dokumentu gisa.

Bidezko Merkataritzaren eragileei lagundu nahi die haien lana balio partekatuekin eta ikuspegi orokorrarekin nola lotzen den azaltzen, eta Bidezko Merkataritzarekin lan egiten duten beste batzuei balio eta ikuspegi horiek ezagutzen laguntzen die.

Bidezko Merkataritzaren oinarria produkzioko eta merkataritzako moduak dira; horien arabera, pertsonak eta planeta finantza-onuren aurretik jartzen dituzte.

Bidezko Merkataritzak, gainera, ekoizleak eta kontsumitzaileak lotzen ditu, horniketa-kateetan gardentasun handiagoa eskainita.

Mundu mailako merkataritzan justizia handiagoa posible dela erakutsita, Bidezko Merkataritzak herritarrak inplikatu nahi ditu merkataritzaren arauak berriz idazteko, ekoizle txikien, langileen eta kontsumitzaileen beharrak kontuan hartuta.

Bidezko Merkataritza ez da karitatea, merkataritzaren bidez aldaketarako eta garapenerako elkartea baizik.

Artisauei, nekazariei eta langileei erakunde demokratikoak sortzen lagunduta, Bidezko Merkataritzak ahalduntzea lortu nahi du norbere etorkizunari buruz kontrol gehiago hartzeko eta pertsonentzat eta planetarentzat justizian oinarritutako emaitza ziurtatzeko.

Hala, Bidezko Merkataritzak, Garapen Jasangarriaren helburuetako asko lortzen laguntzen du.

Mundu osoan eta mendetan zehar, pertsonek elkarrekiko onuran eta elkartasunean oinarritutako harreman ekonomiko eta komertzialak garatu dituzte. Bidezko Merkataritzak ideia horiek aplikatzen ditu nazioarteko merkataritzak gaur egungo mundu globalizatuan dituen erronketan.

2018ko GSEFen kartela

BILBOK GIZARTE-EKONOMIARI BURUZKO NAZIOARTEKO FORORIK GARRANTZITSUENA HARTUKO DU URRIAREN 1ETIK 3RA

Sareen Sareak Bilbo GSEF 2018ko antolakuntza batzordean parte hartzen du

Ikusi irakurketa erraza

Bilboko alkateak eta Global Social Economy Forum-eko Idazkari Nagusiak hurrengo GSEF BILBAO 2018 aurkeztu dute gaur 

Hain zuzen ere, gizarteekonomiari buruzko nazioarteko fororik garrantzitsuena da, eta Bizkaiko hiriburuan antolatuko da urriaren 1etik 3ra.

GSEF (Global Social Economy Forum) foroaren aurreko edizioak Seul eta Montrealen egin dira, eta aurten izango da munduko foroa Europan egiten den lehenengo aldia.

Aurtengo edizioak honako izanburua du: “Gizarte-ekonomia eta hiriak. Tokiko garapen inklusiborako eta jasangarrirako balioak eta lehiakortasuna”.

Gizarte-ekonomiako entitateek, erakundeetako ordezkariek eta alkateek parte hartuko dute GSEF BILBAO 2018 foroan.

Bertan, pertsonak ardatz dituen gizarte inklusibo eta parekide baterantz aurrera egiten jarraitzeko bizipenak eta ikuspegiak partekatuko dituzte.

Gizarte-ekonomiaren esparruko eta administrazio publikoko 1.200 profesional inguruk parte hartuko dute Kongresuen Euskalduna Jauregian antolatuko den nazioarteko foroan.

Horrela, hiri-eremuetan gizarte-ekonomia garatzeko eta tokiko gobernuen eta gizarteekonomiako eragileen arteko lankidetzarekin zerikusia duten arazoak eta aukerak partekatuko dituzte.

ALKATEEK ETA SEKTORE PUBLIKOKO, PRIBATUKO ZEIN HIRUGARREN SEKTOREKO ORDEZKARIEK PARTE HARTUKO DUTE GSEF BILBAO 2018N

GSEF Bilbao 2018k hiru egunetan garatuko du egitaraua, eta hiru sektoreetako erreferente garrantzitsuak bilduko dira bertan.

Besteak beste, kargu publiko hauek izango dira bertan: Juan Mari Aburto, Bilboko alkatea; Iñigo Urkullu, lehendakaria eta Manuela Carmena, Madrilgo alkatea.

Honako hauek izango dira nazioarteko foroan gizarte-ekonomiako aditu gisa parte hartuko dutenak: Juan Antonio Pedreño, Social Economy Europe delakoko burua eta Rosa Lavin, Gizarte Ekonomiako Euskal Sareko burua.

Programan hainbat gai jorratuko dira, hala nola gizarte-ekonomia sustatzea.

Bestalde, askotariko tailerrak egingo dira, non landu egingo diren gizarte-ekonomiako eragileen eta tokiko gobernuen arteko lankidetza-estrategia.

GSEF Bilbao 2018 urriaren 3an amaituko da, eta amaitzeko ekitaldian Azken Adierazpena irakurriko da eta GSEF 2020 ekitaldiaren anfitrioia zein den iragarriko da.

Sareen Sareak Antolakuntza Batzordean parte hartzen du beste euskal gizarte ekonomiari buruzko sare batzuekin batera.

GIZARTE-EKONOMIAREN FORO GLOBALA

Global Social Economy Forum (GSEF) gizarte zibileko eragileak eta tokiko gobernuak biltzen dituen nazioarteko erakunde bat da, ekonomia sozial eta solidarioaren garapenarekin konprometituta dagoena.

Ekonomia sozial eta solidarioaren aldeko erakundeen eta tokiko gobernuen arteko elkarlana bultzatzeko helburuarekin sortu zen, kalitatezko enpleguaren sorrera, bidezko hazkundea, demokrazia parte-hartzailearen aurrerabidea eta garapen iraunkorra sustatzeko asmoz.

2015eko abenduan Bilbao sarean sartu zen ohorezko batzordeko kide gisa, eta, 2016tik aurrera, eskubide osoko kidea da.

Juan Mari Aburto Bilboko alkateak eta Laurence Kwark, Global Social Economy Forum-eko Idazkari Nagusiak hurrengo GSEF BILBAO 2018 aurkeztu dute gaur Bilboko Udaletxeko Arabiar Aretoan. Hain zuzen ere, gizarteekonomiari buruzko nazioarteko fororik garrantzitsuena da, eta Bizkaiko hiriburuan antolatuko da urriaren 1etik 3ra.

2018ko GSEFen kartela

EKONOMIA SOZIALAREN FORO GLOBALA GSEF2018 EKITALDIKO IZEN-EMATEKO EPEA IREKITA DAGO

Sareen Sareak nazioarteko ekitaldi honen antolakuntza batzordean parte hartzen du

Ikusi irakurketa erraza

Ekonomia Sozialaren Foro Globala 2018 ekitaldiko izen emateko epea irekita dago.

Europan izango da eta antolakuntzak Bilbo aukeratu du aurtengo egoitza izan dadin, urriaren 1, 2 eta 3an.

Gizarte Ekonomiaren Munduko Foroa nazioarteko sarea da, zeinetan gizarte-ekonomiaren garapena babesten duten tokiko gobernuak eta gizarte zibileko taldeak elkartzen diren.

Gizarte-ekonomiaren erakundeen eta tokiko gobernuen arteko elkarlanaren bitartez, Foroak honako xede hauek lortu nahi ditu: kalitatezko lanak sortzea, oinarrizko demokraziaren aurrerapena, bidezko hazkuntza eta garapen jasangarria.

Giza duintasuna eta ekologia jasangarria bezalako balioak GSEFk burutzen duen jarduera ororen funtsezko printzipioak izango dira.

Seul hiriak hasi zuen 2013. urtean, tokiko gizarte-ekonomiako kideekin elkarlanean.

Seulen egin zen berriz ere 2014. urteko edizioa; hura amaitutakoan GSEF erakundea sortu zen nazioarteko elkarte iraunkor gisa, zehazki, gizarte-ekonomia tokiko garapen ekonomikoaren faktore nagusitzat jotzen duten tokiko gobernuak eta gizarte zibileko interes-taldeak bateratzen dituena.

2016. urtean, Montreal hiriak eta Chantier de l’Économie Sociale erakundeak batera antolatu zuten foroa Montrealen; hala, tokiko gobernuek eta gizarte-ekonomiaren eragileek hirien garapenerako egindako elkarlana izan zen erakusgarri.

Foroa bilera dinamiko eta parte-hartzaile bat izatea da asmoa, tokiko eta nazioarteko kideen laguntzarekin eraikitakoa.

Aukera paregabea da mugaz haraindiko elkarlanaren eta lankidetzaren bidez ikuspuntuak nahiz esperientziak partekatzeko.

Hauxe da foroaren gai nagusia: Gizarte-ekonomia eta hiriak: Tokiko garapen inklusiborako eta iraunkorrerako balioak eta lehiakortasuna.

ASLE, EHLABE, EUDEL, Gizatea, Konfekoop, REAS Euskadi eta Sareen Sareak Antolakuntza Batzordean parte hartzen dute.

Euskalduna Jauregian izango da 2018ko edizioa.

Foroko programa eta azken orduko informazio osoa esteka honen bidez www.gsef2018.org  kontsulta daiteke.

Ekonomia Sozialaren Foro Globala GSEF2018 ekitaldiko izen emateko epea irekita dago. Europan izango da eta antolakuntzak Bilbo aukeratu du aurtengo egoitza izan dadin Urriaren 1, 2 eta 3an. Mundu osoko 1000 pertsona baino gehiagok parte hartuko dute Gizarte Ekonomiari buruzko nazioarteko izen handiko ekitalde honetan.

ONCEko Egunaren argazkia

Gasteiz Euskadiko pertsona itsuen topalekua

Ekintza hau ONCEko Astearen ospakizunen barnean dago, 80 urteurrenarekin batera

Ikusi irakurketa erraza

Euskadiko ONCEren Asteari amaiera eman dio Europa Jauregian burutu den Euskadiko ONCEren Egunaren ekitaldi nagusiak.

Erakundearen 80. urteurrena ospatu duten gerturatu direnek.

Euskal Erkidegoko ikusmen desgaitasuna duten pertsonak, haien senitartekoak eta ONCEko langileak “Bizitzaren Istorioa” izenburua duen ikuskizunera abiatu dira.

Ekitaldian merezimendua jaso dute erretiratu diren ONCEko langileek, eta pertsona afiliatuak protagonistak izan diren ekitaldiari amaiera eman dio Iñigo Urkullu Lehendakariak.

Ekitaldian hartu dute parte ONCE Euskadiko Lurralde Ordezkariak;lurralde Presidenteak; Ilunioneko Kontseilari Ordezkariak eta ONCEko Kontseilari Orokorrak;

Hala ere, Gasteizko Alkateak; Arabako Diputatu Nagusiak; Eusko Jaurlaritzako Enplegu eta Gizarte Politiketarako Sailburuak; eta Segurtasun Sailburuak.

Sareen Sareko presidentea egon zen ONCEko ekitaldian.

Geroago bisitaldi gidatua egin zen Gasteizko Azokan, eta instalazioen tripak erakutsi zaizkien pertsona afiliatuei 

Ostean itsu- itsuan kata txiki bat egin duten.

Anaikidetasun bazkaria Hotel Ciudad de Vitorian partekatu ostean Estibalizko Santutegira eta Erromanikoaren Interpretazio Zentrora txangoa ere egin dute.

Helburu anitzeko Astea

Euskadiko ONCEren Astearen egitaraua zabala izan da.

Besteak beste Arabako garraiobide publikoen arduradunak itsu- itsuan biadaiatu zuten “Garraio Tourrean”;

Toti Martinez de Lezea eta Marta Extramiana idazleek txango braille-literarioak eskeini zituzten hirian barrena;

Boulevard Gune Komertzialeko hainbat dendarik ONCEk eskeinitako formazioa jaso zuten pertsona itsuei arreta zuzena zein den jakiteko.

Mamian ere pertsona itsuek ogia egiten ikasi zuten; eta hiriko kaleetan barrena pertsona itsuen azalean jarri ziren hainbat hiritar ere itsu- itsuan batetik bestera ibiliaz.

Euskadiko ONCEren Asteak ONCEk egunero egiten duen lanaren berri eman nahi izan du, bertan dihardutenen gaitasunak agerian utziaz;

Hiritarrei ere aukera eman nahi izan zaie pertsona itsuen azalean jarriaz eta horrela haiek sentitzen dutena hobeto ulertzeko.

Euskadiko ONCEren Asteak Eusko Jaurlaritzaren, Arabako Foru Aldundiaren, Gasteizko Udaletxearen, Vital Fundazioaren, Eroski Fundazioaren eta EITBren babesa jaso du.

Euskadiko ONCEren Asteari amaiera eman dio Gasteizko Europa Jauregian burutu den Euskadiko ONCEren Egunaren ekitaldi nagusiak, non Erakundearen 80. urteurrena ospatu duten gerturatu direnek.

Hitzaldiaren argazkia

SAREEN SAREAK BERDINTASUNARI, ANIZTASUNARI ETA BAZTERKETARI BURUZKO CMRE-REN KONFERENTZIAN PARTE HARTU DU

Ikusi irakurketa erraza

Bilbon izan da ekainaren 11 eta 13 artean Europako tokiko eta eskualdeko gobernuen elkarteak (CMRE) antolatutako Konferentzia.

Konferentzia hau berdintasunari, aniztasunari eta bazterketari buruzkoa izan da.

Elkarteak Europako 40 herrialdetako 60 elkarteren bidez federatutako 130.000 udalerri, hiri eta eskualde baino gehiago biltzen ditu, eta horien artean dago Euskal Udalerrien Elkartea (EUDEL).

Konferentziaren helburua esperientziak ezagutzea eta trukatzea da.

Berdintasunaren, aniztasunaren eta gizarteratzearen sektoreetan lan egiten duten tokiko gobernuetako langile eta ordezkari hautetsiek, adituek, gizarte zibileko erakundeetako eta nazioarteko sareetako ordezkariek hartu dute parte.

Sareen Sareko presidenteak, Pablo Gonzálezek, Holandako Tilburg hiriko eta Osloko udal-ordezkariekin saioa partekatu du gaur.

Honako gai honekin: Tokiko aliantzak lan-merkatuan inklusio handiagoa izateko.

Gonzálezek balioa eman dio esku-hartze sozialaren eremuan sektore publikoaren eta ekimen sozialaren arteko nahitaezko lankidetzari.

Sareen Sareko presidenteak Euskadiko hirugarren sektore sozialeko, gizarteratze-enpresen eta enplegu-zentro berezien datuak eta Euskadiko gizarte-zerbitzuen egoerari buruzko bosgarren txosteneko datuak azaldu ditu.

Norvegiako hiriburuko ordezkariak, bere hitzaldian, udalaren eta gizarte zibilaren arteko lankidetza aipatu du errefuxiatuen finkapenerako, hezkuntzarako eta enplegurako.

Aldiz, Holandakoak, berrikuntza soziala aipatu du aldaketa sozialen aurrean erabili beharreko tresna den heinean.

Bilbon izan da ekainaren 11 eta 13 artean Europako tokiko eta eskualdeko gobernuen elkarteak (CMRE) antolatutako Berdintasunari, aniztasunari eta bazterketari buruzko Konferentzia.

Feria solidariaren kartela

Ekonomia Solidarioaren Azoka Gasteizera itzultzen da

Ekonomia Solidarioaren Azoka Gasteizera itzultzen da VI. edizioan. Ekainaren 23an ospatuko da, Alde Zaharreko Landatxo kiroldegian.

Ikusi irakurketa erraza

Aurten ere, Azoka, Ekonomia Solidarioa indartu eta ikustarazi nahi duen espazioa da.

Ekonomia Solidarioa, ekoizpen, zerbitzu, komertzializazio, kontsumo edota finantza- sektoreetan gaur egungo krisiari erantzunak eskaintzen dituen errealitate sozioekonomiko bat da.

Guzti hau, beraien bideragarritasuna inguru-errealitate integral, ekonomiko eta sozialean oinarritzen duten enpresa-eredu eta gizarte-proiektuen bitartez lortzen du.

Azoka honen bitartez, Merkatu Soziala gizarteari hurbildu nahi diogu eta ekoizle eta kontsumitzaileen arteko lankidetza bultzatu nahi dugu.

Horregatik, aurtengo leloa “Ekonomia pertsonen zerbitzura - Otra economía para un mundo mejor" da.

11etatik aurrera parte-hartzaileen standak bisita daitezke eta programatutako jardueretan parte har daiteke.

Horrez gain, gure entitateetan ardurak lantzean enfasi berezia egingo dugu.

Ekainaren 23an Gasteizen elkartuko gara, goazen azokara!

Aurten ere, Azoka, Ekonomia Solidarioa indartu eta ikustarazi nahi duen espazioa da. Ekonomia Solidarioa, ekoizpen, zerbitzu, komertzializazio, kontsumo edota finantza- sektoreetan gaur egungo krisiari erantzunak eskaintzen dituen hazten dagoen errealitate sozioekonomiko bat da.

Sailbururekin argazkia sareen sareko bulegoan

BEATRIZ ARTOLAZABAL SAILBURUAK SAREEN SAREKO EGOITZA BISITATU DU

Ikusi irakurketa erraza

Enplegu eta Gizarte Politiketako sailburuak, Beatriz Artolazabal, Gizarte Politiketako sailburuordea, Lide Amilibia, eta Gizarte Zerbitzuen zuzendariarekin batera, Emilio Sola, Sareen Sareko egoitza bisitatu du.

Pablo González Sareen Sareko presidenteak eta Iñigo Vidaurrazaga presidenteordeak sailburuaren bisita aprobetxatu dute Euskadiko hirugarren sektore sozialak euskal administrazioarekin eta Elkarrizketa Zibileko Mahaiarekin lotuta mahai gainean dituen gaiei buruzko ikuspegiak trukatzeko.

 

Enplegu eta Gizarte Politiketako sailburuak, Beatriz Artolazabal, Gizarte Politiketako sailburuordea, Lide Amilibia, eta Gizarte Zerbitzuen zuzendariarekin batera, Emilio Sola, Sareen Sareko egoitza bisitatu du.

OGP lan saioko argazkia

Administrazio eta gizarte zibilaren arteko gobernu irekiko foro erregularra eratzen da

Sareen Sarea Euskadiko OGP organoan parte hartzen du

Ikusi irakurketa erraza

Maiatzaren 29an, asteartea, Euskadiko OGPren Foro Erregularra eratu da, 2018-2020rako gobernu irekiaren ekintza-plana sortzeko prozesurako.

Bileran proiektuaren sustatzaile diren zortzi erakunde eta entitateetako ordezkariak izan dira (Eusko Jaurlaritza, Araba, Bizkaia eta Gipuzkoako foru-aldundiak eta Bilbo, Donostia eta Gasteizko udalak, bai eta Innobasque eta Innobasque Berrikuntzaren Euskal Agentziaren laguntzaz eginiko autohautaketa prozesuaren ondoriozko herritarren 7 ordezkariak: Mestiza elkartea, Bilboko Emakume Kontseilua, Euskadiko Gazteriaren Kontseilua, Sareen Sarea, Gasteiz udalerriko Kontseilak, Osoigo plataforma eta Alberto Ortiz de Zárate gobernu irekiaren eremuko profesional gisa. Ezin izan da bertaratu, baina Foro Erregularreko partaide izango da, EUDEL, gainerako udalen ordezkaritzan.

Foro horren lehen eginkizuna gobernamendu-eredua onestea izan da, OGPren (Open Government Partnership - Gobernu Irekirako Aliantza) fundazio-adierazpenean jasotako printzipioekin bat etorriz. Bileran, halaber, baterako lana egin da eta erakunde sustatzaileek hasierako hautagaitza aurkezteko prozesuan eginiko diagnostikoari buruz herritarren ordezkarien taldeak egindako ekarpenak jaso dira.

Halaber, gardentasunaren, open dataren, kontu emateen (politika publikoen ebaluazioa barne), herritarren partaidetza-lankidetzaren, integritatearen, kultura digitalaren, kudeaketa publiko aurreratuaren eta herritarren arreta-zerbitzuen arloan erakunde sustatzaileek egindako ekimen nagusiak eta erronka nagusiak aztertu dira.

Foro erregularra izango da konpromisoen lehen zirriborroa prestatzeko arduraduna; konpromiso horiek prozesuan foro irekiarekin partekatuko zaizkie ekintza-plana sortzen parte hartzeko interesa duten gainerako elkarte eta herritarrei, eta behar besteko maiztasunez batuko da, parte-hartzean oinarritutako prestaketa-prozesu hori sustatzeko.

Konpromisoak identifikatu ondoren, 2018-2020rako Euskadirako gobernu irekiaren ekintza-plana sortuko da, haren ezarpena kontrolatuko da eta haren urteko ebaluazioan parte hartuko da.

Dokumentazio guztia Irekia webgunean publikatzen da. Esteka honetan proposamenak egin ditzake. Bitartean, Gobernu Irekiko webgune propioa diseinatzen ari da.

Maiatzaren 29an, asteartea, Euskadiko OGPren Foro Erregularra eratu da, 2018-2020rako gobernu irekiaren ekintza-plana sortzeko prozesurako.

ONCE sariak 2018 argazkia

Euskal solidaritateak ONCEren saria jaso du

FEDEAFESek, El Diario Vascok, Conchi Basabek, FIARE Proiektuak eta Zumarragako Ospitaleak jaso dituzte ONCEren 2018ko Sari Solidarioak

Ikusi irakurketa erraza

ONCEk Euskadiko gizartearen solidaritatea saritu du burutu den sari emate ekitaldian.

ONCEren eta ONCE Fundazioaren Kultura Instituzionalarekin eta Hirugarren Sektorearen helburuei jaramon eginez Ekonomia Sozialaren filosofiarekin bat eginez, hiritar guztien aldeko irisgarritasuna, norbanakakoaren autonomia eta gizarte bateratzaile baten alde lan egin duten enpresa, erakunde, pertsona eta komunikabideak saritzen dituzte.

Sarien bitartez bai enpresa, erakunde edo pertsonek egindako praktikak eredugarriak izan daitezen kontzientzia soziala sustatu nahi dute.

Ekitaldia Eusko Legebiltzarreko Presidenteak Bakartxo Tejeriak burutu du,

Ekitaldian hartu dute parte Alberto Duranek, ONCE Fundazioaren Presidente Exekutiboak; Beatriz Artolazabalek, Eusko Jaurlaritzako Enplegu eta Giza Politiketako Sailburuak; Jon Darponek, Eusko Jaurlaritzako Osasun Sailburuak; Maite Peñak, Gipuzkoako Foru Aldundiko Giza Politiketako Foru Diputatuak; Aitziber San Romanek, Donostiako Giza Politiketako Zinegotziak, eta Javier De Andresek, Gobernuaren Ordezkariak.

Sariak bost kategorietan eman dira eta honako hauek jaso dituzte.

  • Enpresa, GKE edo Erakundearen Saria: Euskadiko Buruko Gaixotasun duten Pertsonen eta Senitartekoen Federazioa, FEDEAFES “buruko gaixotasuna duten emakumeen esparruan egindako lanagatik, buruko gaixotasuna duten emankumeen aurkako bortizkeriaren txostenaren aurkezpenarengatik eta bere eskubideak defendatzeko bai erkidego zein estatu mailan ezagutzera emateagatik”.
  • Komunikazio lanaren Saria: El Diario Vasco: hilean behin eta urte betez Alzheimerraren prebentzioari eskeinitako erreportai eta artikuluak, “plataforma mediatiko batetik Alzheimerraren, dementzien eta zahartzearen inguruko erronka eta sentsibilizazioaren alde egiteagatik”.
  • Pertsona Fisikoaren Saria: Conchi Basabe, Gorabideko boluntarioa eta erabiltzalea. “35 urtez boluntario gisa aritu izanagatik, desgaitasuna duen pertsona izanik, Gorabideko Aisialdiko Zerbitzuan. Desgaitasun intelektuala duten pertsonen gizarteratzearen alde eginez, eta bere ezaugarri pertsonalari esker gizartearen sentsibilizazioa areagotzen laguntzeagatik”.
  • Ekonomia Sozialaren Saria: Banka Etikoaren Fiare Proiektoa. “Tokian tokiko alorrean, nahiz eta Europa mailako dimentsioa baduen, erakunde finantziero eta kooperatiba etikoa sortzearen helburua lortu izanagatik, eta bai justuagoa, jakitunagoa eta arduratsuagoa den gizartea eraikitzeko antolatzen diren hiritarren gaitasunaren eredu izateagatik”.
  • Administrazio Publikoaren Saria: Zumarragako Ospitalea “Pertsona desgaituen irisgarritasunaren esparruan martxan duen derrigorrezko egitasmo espezifikoagatik, eta aldi berean 1997ko Irisgarritasunaren Sustapenaren Legea betetzen duen Euskadiko ospitale bakarra izategatik”.

2018ko ONCE Euskadiko Sari Solidarioen epaimahaia honako hauek osatu dute:

Itsaso Martinek, Euskadi Irratiko Albiste Buruak;

Lourdes Perezek, El Diario Vascoko zuzendariordeak;

Pablo Gonzalezek, Sareen Sareako Presidenteak;

Jon Insaustik, Donostiako Udaletxeko Kultura Zinegotziak;

Mikel Malkorrak, EDEKAko Presidenteak;

Imelda Fernandezek, ONCEko Kontseilari Nagusiak;

Juan Carlos Anduezak, ONCE Euskadiko lurralde Ordezkariak;

eta Javier Dominguezek, ONCE Euskadiko lurralde Kontseiluko Presidenteak.

ONCEk Euskadiko gizartearen solidaritatea saritu du Donostiako Musikeneko auditorioan burutu den sari emate ekitaldian.

Etxerik gabeko Pertsonentzako Estrategiaren Batzordearen argazkia

SAREEN SAREAK ARBUIATU EGITEN DITU ETXERIK GABEKO PERTSONEN AURKAKO INTOLENTZARIZKO EKINTZAK

Sareen Sareak bat egin du maiatzaren 3an sinatutako adierazpen instituzionalarekin

Ikusi irakurketa erraza

Sareen Sareak bat egitea erabaki du maiatzaren 3an sinatutako erakunde arteko adierazpenarekin. 2018-2021 aldirako Etxerik gabeko Pertsonentzako Euskal Estrategiak sustatutakoa da Batzorde hori eta bertan ordezkatuta dago, hain zuzen, Euskadiko Hirugarren Sektore Soziala ere.

Gasteizen egindako ekitaldian, Pablo González Sareen Sareko presidenteak hitz egin zuen, eta entzuleen aurrean hauxe azpimarratu zuen: “Garapen iraunkorraren 2030 agendaren helburuak bat datoz partekatzen ditugun balioekin eta eredu sozialarekin, eta hirugarren sektorean propiotzat hartu eta sustatu egiten ditugu".

Azken hilabete hauetan etxerik gabeko pertsonen aurka izan diren erasoen harira sinatutakoa da adierazpena, etxerik gabeko pertsonen aurkako erasoak gertatu direla gure inguruan, eta horietako batzuk ustezko lesio- eta gorroto-delitu gisa tipifikatu dira.

Errealitate horren aurrean, Etxerik Gabeko Pertsonen Euskal Estrategiaren Jarraipen Batzordea osatzen dugun erakunde publikoek eta entitateek salaketarik irmoena eta arbuioa adierazi nahi ditugu etxerik gabeko pertsonen aurkako intolerantziaren, gorrotoaren eta mespretxuaren aurrean. Etxerik gabeko pertsonen aurkako gorroto-delituak giza eskubideen urraketa nabarmenak dira. Eraso horiek bistaratzea eta salatzea da ekintza horien aurka aritzeko lehen urratsa.

Sinatu dutenak, funtsezkotzat jotzen dute herritar eta erakunde publiko guztiak sentsibilizatzea etxerik gabeko pertsonen aurkako gorroto-delituen inguruan, bai eta erakunde sozialen, laguntza-baliabideen eta polizien prebentzio-lana –koordinatua eta bateratua− sendotzea ere.

Era berean, funtsezkotzat jotzen dute probintzia bakoitzeko Fiskaltzetako Gorroto eta Bazterketa Delituen Atalak gertakari hauen jazarpenean inplikatzea. “Gainera, agerian jarri nahi dugu erakunde guztiak prest daudela eraso horien egileak modu eredugarrian jazartzeko eta zigortzeko, bai eta mota honetako gertakarien biktima izan diren pertsonei lege-babes eta babes material guztia emateko ere.”

Estrategia hau sustatzen dugun erakunde eta entitate publikoek gizarte kohesionatua eraiki nahi dugu, eta hori ezin da inola ere uztartu mota horretako erasoekiko tolerantziarekin; hain zuzen ere, eraso horietako bat ere ez da zigorrik gabe geratuko Euskadin.

Eusko Jaurlaritzako Enpleguko eta Gizarte Politiketako Sailak, Ingurumen, Lurralde Plangintza eta Etxebizitza Sailak, eta Osasun Sailak, hiru Foru Aldundiek, EUDELek eta Vitoria-Gasteiz, Bilbao, Donostia-San Sebastián, Barakaldo, Getxo, Irun, Portugalete, Santurtzi eta Laudioko udalek bat egin dute Etxerik Gabeko Pertsonen Euskal Estrategia 2018-2021 delakoarekin. Hain zuzen ere, Estrategia horren helburuen artean dago etxebizitza-bazterketaren inguruko pertzepzio soziala nabarmentzea, komunitateko eragile guztiek egoera horiei aurre egiteko izan behar duten inplikazioa sendotzea, eta pertsona horiek bizi dituzten arrisku-egoerak prebenitzea.

Horrelako gertakariak gure inguruan ohikoak ez badira ere, zoritxarrez, ez dira kasu isolatuak. 2016an, etxebizitza-bazterketa larriko egoeran zeuden pertsonak zenbatu ziren Euskadiko 24 udalerritan. Datu horiek kontuan hartuta, honakoa nabarmentzen da: Inoiz kalean lo egin duten gizonen %22k eta emakumeen %30ek eraso fisikoren bat jasan izan dute, gutxienez, behin. Eta gizonen %44k eta emakumeen %49k irainak eta mehatxuak jasan izan dituzte, eta %40, berriz, lapurreten biktima izan dira.

Adierazpenean aipatutako gorroto-delituaren arrazoia talde jakin baten aurkako intolerantzia izan daiteke, betiere, talde horretako kideek funtsezko ezaugarriren bat partekatzen badute; esate baterako, kasu honetan, etxerik gabekoak izatea eta muturreko bazterketa sozialean egotea.

Sareen Sareak bat egitea erabaki du maiatzaren 3an sinatutako erakunde arteko adierazpenarekin. 2018-2021 aldirako Etxerik gabeko Pertsonentzako Euskal Estrategiak sustatutakoa da Batzorde hori eta bertan ordezkatuta dago, hain zuzen, Euskadiko Hirugarren Sektore Soziala ere.

Partaideen argazkia

Euskadiko Hirugarren Sektore Sozialak Donostiako Kursaal bete du EHSSren eguna dela eta

Lehendakariak inauguratu du 1205ko kanpainaren ekitaldi nagusia

Ikusi irakurketa erraza

Euskadiko Hirugarren Sektore Sozialak astelehen honetan, maiatzaren 14an, egin du “zoragarria da partaide izatea” kanpainaren ekitaldi nagusia 1205-Euskadiko Hirugarren Sektore Sozialaren (EHSS) Egunaren baitan.

Iñigo Urkullu Lehendakariak inauguratu zuen Donostiako Kursaalen berrehun lagun baino gehiagoaren aurrean egindako ekitaldia. Barrutia bete zuten agintariek, eta sektore sozialetako sareetako eta erakundeetako ordezkariek.

Sareen Sarea elkarteko presidenteak, Pablo Gonzálezek, bertaratutakoei ongietorria eman zien kanpainaren iragarkia ikusi ondoren. EHSSko erakundeekin lotutako honako hau azpimarratu nahi izan zuen: “euskal gizartetik sortu ginen eta haren partaide gara modu bereizezinean. Pertsonak dira gure misioaren ardatza; pertsonak dira gure esku-hartzearen erdigunea, eta pertsonak, familiak, kolektiboak eta komunitateak dira gure oinarri soziala osatzen, gure erakundeen barneko bizitza aberasten, parte hartzen, erabakiak hartzen eta hirugarren sektore sozialaren nortasuna osatzen dutenak”.

Euskadiko Gizarteratze eta Enplegu arloko gizarte-zerbitzuak osatzen historikoki HSSk egin duen ekarpen historikoa gogorarazi zuen Gonzálezek. “Herritarren partaidetzari bidea eman diogu gure erakundeen bidez, konpromisoa eta elkartasuna oinarritzat hartuta, une bakoitzean asebete gabe dauden behar sozialei eta kezkei erantzuteko. Behar zehatzei erantzun zehatzak emanez eta, era berean, ekimen publikoarekin elkarlanean eskubideak eskatuz eta eraikiz”.

Bizi dugun garai-aldaketak erantzun berriak eskatuko dituzten behar berriak dakartzala nabarmendu zuen: “erronka berriak hirugarren sektore sozialerako”, ohartarazi zuen.

Horren aurrean, honelako euskal gizartearen aldeko konfiantza agertu zuen: “aktiboa, bizitzaz betetakoa, parte hartzeko, kalea bere egiteko, hitza hartzeko eta, errespetua, zeharkakotasuna eta komunikatzeko eta deialdiak egiteko modu berrien esperimentazioa oinarritzat hartuta, pertsonen berdintasuna, duintasuna eta eskubideak defendatzeko asmo irmoa duena. Horren adibide argiak dira Emakumearen Nazioarteko Eguna zela eta martxoaren 8an emakumezkoek eta mugimendu feministak deitutako eta egindako mobilizazio masiboak”. Horrekin lotuta, Sareen Sareak zoriontzeko eta aitortzeko mezu berezia bidali nahi izan zien.

Euskadiko Elkarrizketa Zibilaren Mahaiaren presidentea ere badenak erakunde publikoekin elkarrizketa zibila bultzatzen jarraitzeko beharraren aldeko apustua egin zuen. Hala, EHSSren Legea eta duela gutxi onartu duten EHSS Bultzatzeko Estrategia garatzen jarraitu nahi dute. Estrategia horren baitan aurrez ikusitako jarduerekin lotuta, honako hau onartzeko beharra nabarmendu zuen: “hitzarmeneko (soziala) dekretua eta erregimena, esku-hartze sozialaren esparruan erantzukizun publikoko zerbitzuak hornitzeko garaian sektore publikoaren eta ekimen sozialeko erakundeen arteko lankidetzan aurrera egiteko funtsezko elementua”. Horri lotuta dago, era berean, Hirugarren Sektore Sozialaren Euskadiko Behatokia.

Eredu publikoa eta soziala

Bestalde, Lehendakariak Sareen Sareak eta EHSSk egindako lana eta “ardatz nagusia pertsona duen gizarte bidezkoagoa lortzeko zutabeak sendotzen dituen” lankidetza “publikoa eta soziala” izateko beharra nabarmendu zuen.

Gizarte aurreratua eraikitzeko gakoak balio hauek direla nabarmendu zuen Urkulluk: “kohesioa, elkartasuna, aukera-berdintasuna, garapen ekonomiko eta sozial orekatua, gizakiaren garapena eta hazkunde jasangarria”. Lehendakariaren iritziz, printzipio eta balio horiek “HSSko 3.500 erakunde baino gehiagotan lan egiten duten pertsona horiek egunero defendatzen duten konpromisoaren baitan daude”.

Lehendakariaz gain, ekitaldian izan ziren Eusko Legebiltzarreko presidentea, Bakartxo Tejeria; Enplegu eta Gizarte Politiketako sailburua, Beatriz Artolazabal; Donostiako alkatea, Eneko Goia; eta Arabako, Bizkaiko eta Gipuzkoako gizarte-politikako foru-diputatuak, Marian Olabarrieta, Isabel Sánchez Robles eta Maite Peña, hurrenez hurren. Halaber, jardunaldian izan ziren hiru lurraldeetan batzar nagusietako ordezkariak eta legebiltzarkide hauek: EAJko Jon Aiartza, EH Bilduko Nerea Kortajarena eta Elkarrekin Podemoseko Tinixara Guanche eta Jon Hernández. Era berean, ekitaldian izan ziren Euskadiko Ekonomia eta Gizarte Arazoetarako Batzordeko presidentea, Javier Huidrobo; Hirugarren Sektorearen Plataformako presidentea, Luciano Poyato; eta Konfekoopeko (Euskadiko Kooperatiben Konfederazioa) ordezkariak.

Gizarte aurreratua eraikitzeko gakoak balio hauek direla nabarmendu zuen Urkulluk: “kohesioa, elkartasuna, aukera-berdintasuna, garapen ekonomiko eta sozial orekatua, gizakiaren garapena eta hazkunde jasangarria”. Lehendakariaren iritziz, printzipio eta balio horiek “HSSko 3.500 erakunde baino gehiagotan lan egiten duten pertsona horiek egunero defendatzen duten konpromisoaren baitan daude”.

Aitorpena Sabin Ipiñari

Ekitaldiko une hunkigarriena Sareen Saria 2018 Sabin Ipiñari (2017an hil zen) entregatu ziotenekoa izan zen. Sabin Ipiña Euskadiko adinekoen federazioko presidenteorde ohia zen eta omenaldia egin zioten jendaurrean honako honekin lotuta: “bizitzan izandako ibilbidea eta gizarte kohesionatuaren, inklusiboaren, solidarioaren eta parte-hartzailearen mesedetan agertutako konpromisoa. Gizarte zibila indartzeko eta asoziazionismoa bultzatzeko eta egituratzeko ekimenen bultzatzaile emankorra izan zen eta hori guztia etengabekoa, eskuzabala eta besteei zerbitzua eskaintzera bideratuta zegoen lanaren bidez egin zuen, hirugarren sektore sozialaren balioak bere eginda”.

Ondoren, EHSSren etorkizuneko erronkak landu zituzten honako hauen artean egindako mahai-inguruan: María Cristina de la Cruz, filosofoa eta Deustuko Unibertsitateko irakaslea; Idoia Fernández, EHUko Berrikuntzako, Konpromiso Sozialeko eta Kultur Ekintzako errektoreordea; María Silvestre, soziologoa eta Deustuko Unibertsitateko irakaslea; eta Manuel Merino, EHSSko erakunde eta sareetan ibilbide luzea duena (Sareen Sarearen osaera barne).

Gurutze Beitiak gidatutako jardunaldia amaitzeko, puzzle erraldoi bat muntatu zuten. Haren piezak aldez aurretik prestatu zituzten partaidetza-jardunaldian Sareen Sareko kide diren sare horietako bakoitzeko oinarri sozialeko pertsonek. Hala, haietako bakoitzak erakusten duen aniztasuna sareen sarearen, gure herrialdeko hirugarren sektore sozialaren eta “zoragarria da partaide izatea” leloaren arteko batasunean elkartzen zen.

Euskadiko Hirugarren Sektore Sozialak astelehen honetan, maiatzaren 14an, egin du “zoragarria da partaide izatea” kanpainaren ekitaldi nagusia 1205-Euskadiko Hirugarren Sektore Sozialaren (EHSS) Egunaren baitan.

Eusko Ikaskuntza Foroa argazkia

SAREEN SAREA EUSKO IKASKUNTZAREN GIZARTE FOROETAN PARTAIDE

Gizarte-politiken etorkizuneko agertokien analisia

Ikusi irakurketa erraza

Eusko Ikaskuntza zenbait jarduera egiten ari da aurten, erakundearen 100. urteurrena ospatzeko baliatuko duten XVIII. Kongresuari begira. Kongresu horren harira, oinarrizko lan-ildoetako bat Euskal Herriko errealitate sozioekonomikoaren ingurukoa da eta, gai horren baitan, ongizate sozialaren sistemak dituen erronken ingurukoa.

Maiatzaren 8an, gizarte-politiken eta gizarte-ongizatearen arloan lan egiten duten eragileak bildu zituen Eusko Ikaskuntzak; zehazki, arlo sozialean, politikoan, akademikoan eta gizarte zibilari lotutakoan aritzen direnak. Sareen Sareko presidente Pablo Gonzalezek abiarazi zuen eztabaida gizarte-politiken etorkizuneko agertokiei buruzko hitzaldi batekin. Hirugarren sektorearen ikuspegitik erreparatu zien gizarte-politikei eta gizartearen beharrek eta erantzunek zer bilakaera izan dezaketen ere aipatu zuen.

Eusko Ikaskuntzako Sozio-ekonomia Arloak antolatutako gizarte-foroan, eztabaidari ekiteko lau hitzaldi txikiren ondoren, adituak, taldetan bilduta, lanean aritu ziren, aurretik, martxoaren 17an, diagnostiko-fasearen baitan, Bilbon antolatutako herritarren mahaietan planteatutako gaiei erantzuteko.

Herritarren mahaietako eta gizarte-foroetako emaitzekin Liburu Zuri bat prestatuko dugu eta Eusko Ikaskuntzaren Kongresuan aurkeztuko dugu, Bilbon, azaroaren 9an. Gizarte-foroan izan ziren Sareen Sareko kide diren sareetako kideak ere. Elkartean-eko presidente Mikel Malkorrak ere hitzaldi bat eskaini zuen, esku-hartze sozialeko zerbitzuen erabiltzaileen ikuspegitik.

Hemen dago bideo laburpena eta hortik aukera dago ponentzia osoak eta testigantza batzuk ikusteko.

Eusko Ikaskuntza zenbait jarduera egiten ari da aurten, erakundearen 100. urteurrena ospatzeko baliatuko duten XVIII. Kongresuari begira. Kongresu horren harira, oinarrizko lan-ildoetako bat Euskal Herriko errealitate sozioekonomikoaren ingurukoa da eta, gai horren baitan, ongizate sozialaren sistemak dituen erronken ingurukoa.

Argazkia estragiaren sinadura

HSS-AK ETXEGABEENTZAKO EUSKAL ESTRATEGIARI JARRAIPENA EGITEKO BATZORDEAN EGITEKO BATZORDEAN PARTE HARTUKO DU

Helburua da erkidegoko udalerri handietan modu esanguratsuan murriztea –gutxienez %20– kalean lo egiten duen pertsona-kopurua

Ikusi irakurketa erraza

Eusko Jaurlaritzak, Enplegu eta Gizarte Politiketako Sailaren, Osasun Sailaren eta Ingurumen, Lurralde Plangintza eta Etxebizitza Sailaren bidez, Arabako, Bizkaiko eta Gipuzkoako foru-aldundiek, EUDELek eta Bilboko, Vitoria-Gasteizko, Donostia-San Sebastiango, Barakaldoko, Getxoko, Portugaleteko, Irungo, Santurtziko eta Laudioko udalek, gaur, erakunde arteko akordioa sinatu dute, 2018-2021rako Etxegabeentzako Euskal Estrategia garatzeko. Horren bidez, nabarmen murriztuko da –gutxienez % 20– kalean, Euskadiko udalerri handietan, lo egiten duen pertsona-kopuruak, 2020rako. Horretarako, pertsona horiei laguntza emateko politika integralak garatuko dira.

Gasteizen egindako ekitaldian, Pablo González Sareen Sareko presidenteak hitz egin zuen, eta entzuleen aurrean hauxe azpimarratu zuen: “Garapen iraunkorraren 2030 agendaren helburuak bat datoz partekatzen ditugun balioekin eta eredu sozialarekin, eta hirugarren sektorean propiotzat hartu eta sustatu egiten ditugu".

Estrategia horretarako, aurretik Euskadiko etxegabeen ezaugarriak eta beharrak aztertu dira, euskal erkidegoan ezarritako arreta-sistemaren indarguneak eta ahuluneak, eta, halaber, inguruneko herrialdeetan bizitegi-bazterketaren aurrean esku hartzeko ereduak hartu dira kontuan.

Dokumentu honi atxikitzea borondatezkoa eta loteslea da. Orientatzailea da dokumentua; izan ere, tartean diren erakundeen jarduketa zentzu jakin batean orientatzeko prestatu da. Gida gisa antolatu nahi da, aurretik adostutako printzipio, helburu eta jarraibide batzuekin; horiek, aurrerantzean, erakundeek adostuko dituzte, jarduketa zehatzetan.

“Etxegabeak, gaua eta eguna hirietako kaleetan ematen dutenak, bizitegi-bazterketaren modurik agerikoenen eta gordinenen erakusle direlako” ideia partekatzen dute erakundeek eta, ondorioz, estrategia prestatzeko aurretiko lana bateratu dute eta, horretarako, Euskadiko etxegabetasunari buruzko diagnostikoa izan dute.

Ondorio nagusietako bat izan da “oraindik egozten zaien irudi estereotipatua gorabehera, etxegabeak ez direla talde homogeneoa, ez dituztela ezaugarri egonkorrak denboran”. Etxegabetasuna lau kausa-multzo handien arteko elkarreragin dinamikoaren ondorioz sortutako prozesua da –egiturazkoak, instituzionalak, erlazionalak eta pertsonalak–, eta horiek, normalean, aldi berean edo elkarren artean konbinatuta ageri dira.

Estrategia

Euskadi ez da hutsetik hasi; izan ere, esperientzia handia du pertsona horien babeserako ekintzetan, erakunde publikoen inplikazioari esker, bai eta hirugarren euskal sektore sozialaren erakundeei esker ere. Horrela, Estatuan, ostatu-plazak betetzeari dagokionez, buru da autonomia-erkidegoen artean; guztira, 47 milioi euro bideratzen ditu urtean, etxegabeei arreta ematera.

Estrategia berri horren bidez, urrats berriak emango dira. Erakunde sinatzaile bakoitzak 12 hileko epea du bere plana diseinatzeko, Estrategian adostutako jarraibideak gauzatzeko jarduketa zehatzekin. Jarduketa horiek berriak edo beste batzuen jarraipenak izan daitezke, eta tartean den erakunde bakoitzak banaka edo erakunde baten edo gehiagoren arteko lankidetza-akordioen bidez egin daitezke; horrela, besteak beste, osasuneko, enpleguko, etxebizitzako edo diru-sarreren bermerako arloen arteko lankidetzan oinarrituta garatu daitezke jarduketak.

Estrategia honen helburu orokorrak honako hauek dira:

  • Etxegabetasuna prebenitzeko politikak sendotzea.
  • Euskadin etxegabeentzako egungo arreta-eredua berrorientatzea, pertsona oinarri duen eta etxebizitzara orientatzen den arreta-eredua sortzeko.
  • EAEko Gizarte Zerbitzuen Maparen zabalkundearekin amaitzea eta, horretarako, lurraldeetan baliabideen banaketa egokia egiten dela bermatzea, eta, bereziki, gizarte-bazterketarako egoeran edo arriskuan dauden pertsonentzako lehen mailako arretarako gizarte-zerbitzuak sendotzea, gizarte- eta hezkuntza-arloko eta arlo psikosozialeko kasuak eta esku-hartzeak kudeatzeko eginkizunei dagokienez eta ostatu-zerbitzuei eta goizeko eta gaueko harrera-zerbitzuei dagokienez.
  • Etxegabeek, osasun-eremuan, diru-sarrerak bermatzeko eremuan eta lan-aktibazioaren eremuan dituzten eskubideetara jotzen dutela bermatzea, bizitokia edozein dutela ere.
  • Premia bereziak dituzten etxegabeei ematen zaien arreta hobetzea eta, zehazki, bizitegi-bazterketa larrian dauden emakumeei ematen zaiena.
  • Etxegabeen problematikaren inguruko ezagutza koordinatzeko, ebaluatzeko eta kudeatzeko gailuak hobetzea.
  • Fenomeno horren gizarte-pertzepzioan eragitea, eragile komunitarioen inplikazioa sendotzea egoera horiei heltzeko eta pertsona horiek jasan ohi dituzten biktimizazio-egoerak prebenitzea.

Estrategiak 50 jarduketa zehatz proposatzen ditu, eta horiek bederatzi ekintza-ardatz nagusien inguruan antolatzen dira.

Eusko Jaurlaritzak, Enplegu eta Gizarte Politiketako Sailaren, Osasun Sailaren eta Ingurumen, Lurralde Plangintza eta Etxebizitza Sailaren bidez, Arabako, Bizkaiko eta Gipuzkoako foru-aldundiek, EUDELek eta Bilboko, Vitoria-Gasteizko, Donostia-San Sebastiango, Barakaldoko, Getxoko, Portugaleteko, Irungo, Santurtziko eta Laudioko udalek, gaur, erakunde arteko akordioa sinatu dute, 2018-2021rako Etxegabeentzako Euskal Estrategia garatzeko. Horren bidez, nabarmen murriztuko da –gutxienez % 20– kalean, Euskadiko udalerri handietan, lo egiten duen pertsona-kopuruak, 2020rako. Horretarako, pertsona horiei laguntza emateko politika integralak garatuko dira.

Argazkia lehendakariarekin

EUSKADI BASQUE COUNTRY 2030 AGENDA ONARTUTA, NBE-REN GARAPEN IRAUNKORRAREN HELBURUEKIN BAT

Sareen Sareak garapen inklusiboaren aldeko aurkezpen-ekitaldian hartu du parte

Ikusi irakurketa erraza

Iñigo Urkullu Lehendakariak Euskadi Basque Country 2030 Agenda aurkeztu zuen atzo; Nazio Batuek sustatutako Garapen Iraunkorraren Helburuei egindako euskal ekarpena da. NBEk 17 helburu (GIH) onartu zituen pobreziarekin bukatzeko haren itxura guztietan, desberdintasuna murrizteko eta klima-aldaketaren aurka egiteko, eta aldi berean inor ez dela atzean geratzen bermatuta.

Gasteizen egindako ekitaldian, Pablo González Sareen Sareko presidenteak hitz egin zuen, eta entzuleen aurrean hauxe azpimarratu zuen: “Garapen iraunkorraren 2030 agendaren helburuak bat datoz partekatzen ditugun balioekin eta eredu sozialarekin, eta hirugarren sektorean propiotzat hartu eta sustatu egiten ditugu".

Lehendakariak aurkeztutako dokumentua atzo onartu zen Gobernu Kontseiluan. Euskadi Basque Country 2030 Lehen Agenda da, eta haren epea 2016tik 2020ra doa. Garapen Iraunkorreko 17 helburuak eta 2030 Agendako 100 xede lotzen ditu Eusko Jaurlaritzak bere Gobernu Programan hartutako 93 konpromisorekin, 80 Planifikazio Tresnarekin, 10 Lege Ekimenekin eta 50 Adierazlerekin. Urkulluk baieztatu zuenez, esfortzu horri esker “Euskadiko politika publikoak modu eraginkorrean lerrokatuko dira Agenda unibertsal honekin, eta Euskadik 2030 Agendaren inplementazioari egindako ekarpena bistaratuko da " eta Garapen Iraunkorreko Helburuak lortuko dira.

Beraz, Euskadi Basque Country 2030 Agenda erabat inkardinatua dago Gobernuaren jardueran, eta horrek jarraipena eta ebaluazioa erraztuko ditu. Kanpoko Ekintzako Idazkaritza Nagusiak jarraipen-txostena egingo du urtero, Kanpo Ekintzaren Instituzio arteko Batzordearen barruan sortutako ekarpenekin, eta edukia Eusko Legebiltzarrera bidaliko da. .

Nazio Batuen Garapen Iraunkorreko 17 Helburuen artean hauek daude: pobreziarekin bukatu, hezkuntza inklusibo eta bidezkoa bermatu, ur edo energiaren kudeaketa iraunkorra, hazkunde ekonomiko iraunkorra edo ekosistemen eta biodibertsitatearen kudeaketa iraunkorra. Euskal Administrazio Publikoa lehena izan da Espainiako Estatuan 2030 Agendarekin bere konpromisoa azaltzen, proposamen zehatz bat aurkeztuta.

Ekitaldiaren garapena

Ekitaldian Garapenerako Nazio Batuen Programako (GNBP) ordezkari Gemma Aguadok hartu zuen parte, eta gobernantza-kontzeptuaren garrantzia azpimarratu zuen, baita herritarrengandik hurbilen dauden administrazioen inplikazioa ere. Aditu horrek GNBPren esfortzuen koordinazioa babesten du Garapen Iraunkorreko Helburuak lurralderatu/lokalizatu egiteko. Halaber, topaketan hurrengoen arteko solasaldia egon zen: EHUko Berrikuntzaren, Gizarte Konpromisoaren eta Kulturgintzaren arloko Errektoreorde Idoia Fernández, Unicef Euskadiko Koordinatzaile Elsa Fuente, CEBEKeko Presidente Iñaki Garcinuño eta Sareen Sareko Presidente Pablo González. Lau ordezkariak NBEk ezarritako helburu unibertsalak lurraldeko errealitatera egokitzeko beharraz aritu ziren; izan ere, “eginkizun horretan, denok lagundu behar dugu, edozein sektoretatik”.

Pablo Gónzalezek balioan jarri zituen helburuak eta 2030 Agenda, “abala, bultzada eta eragin bizkortzailea” izan daitezkeelako sustatzen dituzten garapen inklusibo eta iraunkorraren helburuetan.

Hirugarren sektore sozialeko erakundeen esku-hartzerako eguneroko praktika ugari garapen iraunkorraren helburuekin lotuta daude. Nolanahi ere, Sareen Sareko presidenteak Sareen Sarearen 2014ko apirilaren 8ko konstituzioa bera nabarmendu zuen, aliantza, kooperazio eta zeharkakotasun izaera duelako, “zenbait eremutako sare nagusiak barne hartuta, besteak beste, desgaitasuna, inklusioa, familia, pertsona nagusiak, etorkinak, enplegua edo garapenerako kooperazioa. Konponbide globalen bila formatu kooperatiboan”. Baita Euskadiko eztabaida zibileko mahaia ere, hirugarren sektore sozialaren parte-hartze instituzionaleko organoa Eusko Jaurlaritzaren eremuan, gizarte politiketan eragiteko. “Ezarritako praktikak balioa eman behar die lan kooperatiboari eta gobernantza efektiboari”.

2015eko irailaren 25ean, Nazio Batuen Batzar Nagusiak aho batez onartu zuen Garapen Iraunkorrerako 2030 Agenda, 15 urteko epean garatzeko, 2015etik 2030era. Bai Nazio Batuek bai Europako Batzordeak estatuen azpiko gobernuen eginkizuna nabarmendu dute hura inplementatzeko orduan. Izan ere, gobernu horiek eskumenak, baliabideak eta gizartearen errealitate eta behar hurbilenen ezagutza espezifikoa dituzte askotan.

Iñigo Urkullu Lehendakariak Euskadi Basque Country 2030 Agenda aurkeztu zuen atzo; Nazio Batuek sustatutako Garapen Iraunkorraren Helburuei egindako euskal ekarpena da. NBEk 17 helburu (GIH) onartu zituen pobreziarekin bukatzeko haren itxura guztietan, desberdintasuna murrizteko eta klima-aldaketaren aurka egiteko, eta aldi berean inor ez dela atzean geratzen bermatuta.

Argazkia Eusko Legebiltzarrean

SAREEN SAREAK DSBE HOBETZEA DEFENDATU DU EUSKO LEGEBILTZARREAN

Gizarte-inklusiorako eskubidea ere garatzeko beharra azpimarratu du

Ikusi irakurketa erraza

Eusko Legebiltzarreko Enplegu, Gizarte Politika eta Gazteriako Batzordean egiten ari diren aurkezpen-errondaren barruan, Diru-sarrerak Bermatzeko eta Gizarte Inklusiorako 18/2008 Legea aldatzeari buruz, atzo Sareen Sareko ordezkariek parlamentuko taldeei beren ikuspegia azaldu zieten Diru-sarrerak Bermatzeko Errenta Hobetzeko Oinarrien Dokumentuan jasotako proposamenei buruz. Dokumentu hori Beatriz Artolazabal Enplegu eta Gizarte Politiketako sailburuak aurkeztu zuen aurreko maiatzaren 31n parlamentuko batzorde horren aurrean.

Pablo González Sareen Sareko presidenteak, lehenik eta behin, Diru-sarrerak Bermatzeko Errenta balioan jarri zuen; izan ere, “bazterkeria pertsonal, sozial eta laboraleko egoerak arintzen eta baliabide pertsonal, sozial edo ekonomiko nahikorik ez dutenak gizarteratzen lagundu du, herritartasuneko eskubide sozialak egiaz gauzatzeko, baina herritar guztiengan ere ondorio positibo zuzenak izan ditu, eta halaxe ziurtatzen dute txosten teknikoek eta datu ofizialek”.

Sareen Sarearen iritziz, “Diru-sarrerak Bermatzeko Errenta zaindu beharreko babes sozialeko sistemaren tresna da, balioan jartzekoa, eta eraginkorragoa izan dadin kudeaketa eta aplikazioa hobetu daitezke, baina haren jatorrizko balioa zalantzatan jarri gabe: Elkartasuna”.

Diru-sarrerak bermatzeko politikak ardura hartzen du pertsona guztiek uneoro beharrezko baliabide ekonomikoak izan ditzaten, beste politika sozial batek behar beste zaintzen ez dituen beharrei erantzuteko.

Eragin positiboa ez da onuradun zuzenentzat bakarrik; izan ere, eragin makroekonomiko nabaria dauka, eta krisiaren ondorioak arindu, ekonomia egonkortu eta hazkunde ekonomiko gehigarria sortzen lagundu du.

Euskadin, 60.000 etxebizitza baino gehiagok jasotzen dute Diru-sarrerak Bermatzeko Errenta. Eta laguntza ekonomiko horrek eragin positiboa du pobrezia tasak txikitu eta desberdintasun soziala murrizteko. Horrela, 2016an 71.000 lagunek ez dute amildegi hori gurutzatu, eta 63.000 baino gehiagok, laguntza soziala jasota ere pobreak izaten jarraitu zutenek, erorketa leundu zuten.

Sareen Sareko bozeramaileak, hala ere, hauxe azpimarratu zuen: “Euskadiko babes sozialeko sistemak lortutakoak lortuta, ez dute eragotzi pobrezia eta bazterkeria nabarmen handitzea azken urteotako krisiaren testuinguruan”.

Eta ohartarazi zuenez, enpleguaren aktibazioa ez da konponbidea, Diru-sarrerak Bermatzeko Errenta jasotzen dutenen erdientzat behintzat, pentsiodunen eta kalitate eskaseko enplegua duten langileen artean banatzen baitira. “Enplegua inklusioaren sortzaile garrantzitsua da, baina ez da konponbide bakarra izan gizarte bazterkerian dauden eta diru-laguntzak bermatzeko errenta jasotzen duten pertsona guztientzat. Diru-sarrerak Bermatzeko sistemaren bi hanketako bat garatu behar da, baita inklusio sozialerako ere, eta orain arte ez da behar bezala bermatu: Inklusio Sozialarena”.

Legea Euskadiko testuinguru sozioekonomikoan 2008tik izandako aldaketetara egokitzeko beharraren alde agertu zen, baita Diru-sarrerak Bermatzeko Errentak 2018tik aurrera bere helburua betetzeko modurik onena berriz pentsatzearen alde ere.

Sareen Sareak diru-sarrerak bermatzeko sistema babestu eta balioan jartzeko eta inklusio sozialerako kanpaina proposatu zuen batzordearen aurrean, jasotzaileen gaineko estigma eta aurreiritziak ezabatuz, gizartean pedagogia eginez.

“Oinarrien dokumentuan iruzurrarekin dagoen obsesioa gehiegizkoa iruditzen zaigu. Gainera, iruzur kasuei dagokienez, txostenak berak azpimarratzen du nabarmen murriztu direla, 2012an %0,77tik 2016an %0,29ra. Tasa txikia eta ia garrantzirik gabekoa, baina eremu batzuetan handietsi egin da. Ondorioz, ez da diru-sarrerak bermatzeko errenta balioan jartzen, eta arrazoitu gabeko bazterkeria soziala eta jasotzaileen eskarnio publikoa sustatzen dituzte”.

Horrez gain, hamabost proposamen eztabaidatu ziren ordezkari politikoekin. Proposamen horiek dokumentu honetan daude: Sareen Sarea Diru-sarrerak Bermatzeko eta Inklusio Sozialerako 18/2008 Legearen Erreformaren aurrean. Hurrengoak aipatu ziren, besteak beste: bizikidetza-unitateak zehaztea, EAEn erroldatzeko gutxieneko epea, laguntza jasotzeko gutxieneko adina, Lanbideko espedienteak kudeatzeko sistemaren arrazionalizazioa eta inklusio sozialaren eskubidea gauzatzea.

Eusko Legebiltzarreko Enplegu, Gizarte Politika eta Gazteriako Batzordean egiten ari diren aurkezpen-errondaren barruan, Diru-sarrerak Bermatzeko eta Gizarte Inklusiorako 18/2008 Legea aldatzeari buruz, atzo Sareen Sareko ordezkariek parlamentuko taldeei beren ikuspegia azaldu zieten Diru-sarrerak Bermatzeko Errenta Hobetzeko Oinarrien Dokumentuan jasotako proposamenei buruz. Dokumentu hori Beatriz Artolazabal Enplegu eta Gizarte Politiketako sailburuak aurkeztu zuen aurreko maiatzaren 31n parlamentuko batzorde horren aurrean.

1205 irudia

EHSSk BERE EGUN HANDIA OSPATUKO DU MAIATZAREN 14AN, DONOSTIAKO KURSAALEAN

0512aren bigarren ediziorako izena eman daiteke dagoeneko

Ikusi irakurketa erraza

Euskadiko Hirugarren Sektore Sozialak maiatzaren 14an ospatuko du, astelehena, EUSKADIKO HIRUGARREN SEKTORE SOZIALAREN EGUNA-0512, Donostiako Kursaal Kongresu Jauregian. Pasa den urtean Bilbon antolatu zen ekitaldia, lehen aldiz, Euskadiko Hirugarren Sektore Sozialaren Legearen onarpenaren urteurrenarekin bat etorriz, 2016ko maiatzaren 12an izan baitzen.

Sareen Sareak antolatutako Hirugarren Sektore Sozialaren eguna “elkarrekin egoteko aukera ona da, egunez egun 3.000 euskal erakundek baino gehiagok egiten dugun lana ikusarazi eta babesteko eguna; gizarte kohesionatu, inklusibo, solidario eta parte-hartzaileago baten alde egiten dugun lana, hain zuzen”. Sareen sareak Euskadiko Hirugarren Sektore Soziala osatzen dugun guztiok gonbidatu nahi gaitu parte hartzera, baita euskal erakundeetako eta gizarte osoko ordezkariak ere. Pasa den urtean, Iñigo Urkullu, Lehendakaria, eta Bakartxo Tejeria, Eusko Legebiltzarreko presidentea izan ziren gurekin.

Aurtengo leloa ere “Zoragarria da parte sentitzea” izango da. Zoragarria baita etorkizun sentitzea, independente izatea, etxean bezala sentitzea, hile bukaerara iristea … eta Euskadiko Hirugarren Sektore Sozialeko erakunde eta sareen ekarpenaren emaitza diren beste sentsazio asko. Ekitaldiaren berri zehatzagoa emango dizuegu datozen asteetan zehar burutuko dugun kanpainaren bidez.

Ekitaldira joateko ezinbestekoa da izena ematea, formulario honen bidez.

Euskadiko Hirugarren Sektore Sozialak maiatzaren 14an ospatuko du, astelehena, EUSKADIKO HIRUGARREN SEKTORE SOZIALAREN EGUNA-0512, Donostiako Kursaal Kongresu Jauregian. Pasa den urtean Bilbon antolatu zen ekitaldia, lehen aldiz, Euskadiko Hirugarren Sektore Sozialaren Legearen onarpenaren urteurrenarekin bat etorriz, 2016ko maiatzaren 12an izan baitzen.

MDC argazkia lehendakariarekin

EZM EHSS Sustatzeko Estrategia aurkezten dio Lehendakariari

2020ra arte lehenetsitako 12 neurriko Legealdi Plana ontzat hartu du

Ikusi irakurketa erraza

Euskadiko Elkarrizketa Zibilaren Mahaiak (EEZM) ezohiko saio bat egin zuen atzo Lehendakaritzan, Euskadiko Hirugarren Sektore Soziala Sustatzeko I. Estrategian jasotako 36 ekintzak aurkezteko. Estrategiako dokumentua Eusko Jaurlaritzak landu du hirugarren sektorearen laguntzarekin eta Euskadiko Elkarrizketa Zibilaren Mahaiaren bidez, hori baita hirugarren sektoreak euskal administrazioan parte hartzeko daukan elkarrizketa organo nagusia.

Estrategia sortu da Euskadiko Hirugarren Sektore Sozialeko Legea (EHSS) betetzeko. Ondorioz, asmo handiko dokumentua eta aldez aurreko 36 jarduketa sortu dira, eta horiek hedatzeko legealdi bat baino gehiago beharko dira. Beraz, Jaurlaritzak eta hirugarren sektoreko sareek 2018-2020 Legealdi Plana adostu dute, eta bertan lehentasunezko 12 jarduketa jaso dira epe horretan hedatzeko.

Lehenetsitako hamabi jarduketen barruan, botere publikoaren eta hirugarren sektore sozialaren arteko elkarrizketa soziala sustatu eta bultzatzeko neurriak daude. Baita bi alderdien arteko lankidetza eta kooperazioa ere esku-hartze sozialeko erantzukizun publikoko zerbitzuak emateko. Ildo beretik, kontzertu sozialeko araubidearen bultzada barne hartzen du, kontratu modalitatetik eta lankidetzan aritzeko esparru-hitzarmetatik ezberdintzen.

Halaber, hurrengoei ere heltzen die: diru-laguntzen hobekuntza, erabilera sozialerako azpiegitura publikoei buruzko plana eta EHSSko hiru mila erakunde baino gehiagok gizarteari ematen dioten balioa sustatzea.

EHSSren egunerokoa eta ekarpena hurbiltzeko, urteroko kanpaina egiten da egun esanguratsu baten inguruan, aldizkako biltzarra egiten da, eta komunikabideekin lankidetzako ekintzak eta sentsibilizazio eta prestakuntzako bestelako ekintzak gauzatzen dira.

EHSSko errealitatea aldez aurretik aztertzeko, 2020ra arteko planak hurrengoak hartzen ditu, besteak beste: sektoreko egoerari buruzko ikerketa eta ebaluazioko aldizkako zikloa abiatzea (EHSSko Liburu Zuria) eta estrategiaren hedapena ebaluatzeko urteko txostena. Nabarmentzekoa da etorkizunean Hirugarren Sektore Sozialeko Euskal Behatokia abian jartzea.

Egun garrantzitsua

Iñigo Urkullu Lehendakariaren iritziz, Hirugarren Sektore Sozialaren Sustapen Estrategia berriaren bidez, “sendotu egiten da elkarrizketa zibileko printzipioa eta erantzukizun publikoko zerbitzuak emateko eredu mistoa, kontuan hartuta, elkartasunarekin, justiziarekin, berdintasunarekin, kohesioarekin, demokraziarekin eta parte-hartzearekin batera, elkarri zor diogula”.

“Gaur egun garrantzitsua da hirugarren sektorerako, topaketarako, elkarrizketarako eta gizarte zibilaren parte-hartzerako”, esan du Iñigo Urkulluk. “Elkarrekin lanean, gizarte-partaidetza errealitate bilakatu dugu. Topaketarako eta lankidetzarako eredu horretan sinesten dugu, eta lan partekatuarekin legegintzaldiaren hasieratik hasi gara horretan. Gobernuko sail guztiek hartu dute parte, egin dute ahalegin bizia eta aurkeztu dituzte ekimenak. Gaur, hainbat urtetako lanaren emaitza emango dugu ezagutzera, eta urte horietako lanak datorren hamarkadako etorkizun estrategikorako konprometitzen gaitu. Euskadiko Hirugarren Gizarte Sektorearen Sustapen Estrategia dugu, eta 2018-2020 legegintzaldiko plana aurkezten dugu”.

Lehendakariak Euskadiko hirugarren gizarte-sektoreko sare eta erakundeen hogei bat ordezkariei azaldutakoaren arabera, “lankidetza publiko-soziala gizarte bidezkoaren eta solidarioaren berme da, gizarte berdinzalearen eta kohesionatuaren, demokratiko eta parte-hartzailearen berme, ondasun komunera bideratuta dagoen eta pertsonen aldeko apustua egiten duen gizartearen berme".

“Gizarte-ekimeneko eta gizartean esku hartzeko erakundeak euskal gizartearen oinarrizko aktibo dira, eta zuon laguntza ezinbestekoa da gizarte bidezkoa eta solidarioa eraikitzeko, berdinzalea eta kohesionatua, demokratikoa eta parte-hartzailea, eta gizarte-beharrei modu integralean eta pertsonalizatuan eta hurbiltasunez erantzuteko. Betiere, sektoreen arteko lankidetzan oinarrituta eta pertsona, familia, kolektibo edo erkidego hartzaileen parte-hartzearekin”, azaldu zuen Lehendakariak.

Parte-hartzailea eta transbertsala

SAREEN SAREAren arabera “Jaurlaritzaren eta EHSSren arteko estrategia bateratutik abiatzen gara, bizia, operatiboa eta dinamikoa, Euskadiko sektore publikoaren eta sektore sozialaren arteko lankidetza sendotu eta sektoreak datozen urteetarako dituen erronka nagusiei erantzungo dielakoan”.

EEZM eta SAREEN SAREko presidente Pablo Gonzalezek azpimarratu du estrategia gauzatzeko prozesua “sektore publikoaren eta sozialaren arteko lankidetzaren eredua izan dela, eta zaindu eta hedatu behar da elkarrizketa zibilaren esparruan heldu beharreko materia guztietan”.

Gonzálezek nabarmendu du, era berean, Jaurlaritzaren ekintzaren zeharkakotasun berria arlo honetan, “Eusko Jaurlaritzako hainbat sail integratu ditu lehenengoz, ez bakarrik gizarte zerbitzuen eskumena duena. Batera jarduteko Jaurlaritzaren konpromisoa sendotu egin da gaur Urkullu Lehendakariaren presentziarekin” –EHSSko sarearen iritziz.

Estrategiak, halaber, orientazio batzuk ezartzen ditu euskal administrazio publiko guztietarako. Hiru aldundiek eta EUDELek gauzatzeko prozesuaren faseetan parte hartu dute.

Bukatzeko, SAREEN SAREAk eskerrak ematen dizkie EHSSko sare eta erakundeetako, Eusko Jaurlaritzako eta prozesuan aritu diren gainerako erakundeetako ordezkariei egindako lanagatik.

Lotura EUSKADIKO HIRUGARREN SEKTORE SOZIALA SUSTATZEKO ESTRATEGIAra

Lehendakaritzan ospatutako ekintzaren argazkiak

Euskadiko Elkarrizketa Zibilaren Mahaiak (EEZM) ezohiko saio bat egin zuen atzo Lehendakaritzan, Euskadiko Hirugarren Sektore Soziala Sustatzeko I. Estrategian jasotako 36 ekintzak aurkezteko. Estrategiako dokumentua Eusko Jaurlaritzak landu du hirugarren sektorearen laguntzarekin eta Euskadiko Elkarrizketa Zibilaren Mahaiaren bidez, hori baita hirugarren sektoreak euskal administrazioan parte hartzeko daukan elkarrizketa organo nagusia.

ONCE sariak 2018 deialdia

ONCE EUSKADIKO SARI SOLIDARIOAK 2018 ABIAN DIRA

Hautagaitzak aurkezteko epea apirilaren 13an amaitzen da

Ikusi irakurketa erraza

ONCE Euskadik Sari Solidarioak 2018 abian jarri ditu eta hautagaitzak bidaltzeko epea ireki du. Sariak pertsona, enpresak, GKE, erakunde, komunikazio lan eta Herri- administrazioei zuzenduko dira. ONCE Gizarte Taldearen Kultura Instituzionalarekin eta Hirugarren Sektorearen helburuei jaramon eginez Ekonomia Sozialaren filosofiarekin bat eginez, egindako lan solidarioak aintzat hartuta. Eta zehatzago, hiritar guztien aldeko irisgarritasuna, norbanakakoaren autonomia eta gizarte bateratzaile baten alde lan egiteagatik. 2018ko deialdian, epaimahaiak bereziki gizartea aldatu eta eboluzionatu arazten dituen egiteko eta pentsatzeko bestelako moduak baloratuko ditu.

Hautagaitzen aurkezpena irekia da, beraz proposamenak bidali nahi dituenak posta elektronikoz bidali beharko ditu ONCE Euskadiko lurralde Kontseilura (Esta dirección de correo electrónico está protegida contra spambots. Usted necesita tener Javascript activado para poder verla.) apirilaren 13a baino lehen, hautagaitza ziurtatzen duen dokumentazio nahi beste atxekituaz.

Guztira bost kategoria sarituko dira, eta sari bana kategoria bakoitzeko.

1.Enpresa, GKE, edo erakundea. Joan den urtean azaldutako sentsibilitate sozialagatik, edota egoera larrienean daudenen eskubide sozialen alde azaldutako ibilbideagatik.

2.Programa, artikulo edota komunikazio proiektua. (Telebista, Irratia, Prentsa Idatzia, Prentsa Digitala). Edonolako gai sozialaren alorrean eraginik izan duten gertakizunen berri modu esanguratsuan aritzeagatik, beti ere ONCE Gizarte Taldearen oinarrizko baloreekin, Ekonomia Sozialaren filosofiarekin eta Hirugarren Sektorearen helburuekin bat eginez.

3.Pertsona Fisikoa. Euskal Autonomia Erkidegoan Gizartean euren tokia bilatzen saiatzen diren kolektiboen alde modu solidarioan egindako lanagatik edota mantendutako ibilbideagatik.

4.Enpresa. Kanporaketa arriskuan dauden pertsonen inklusio soziolaboralean modu esanguratsuan egin duten enpresei, ekonomia sozialaren arloan ari direnei lehentasuna emanez.

5.Administrazio Publikoari, hiritar ororen aukeren berdintasunaren alde modu solidarioan programak eta etengabeko proiektuak sustatzeagatik.

Epaimahaia honako hauek osatzen dute. Imelda Fernandez, ONCEko Kontseilari Orokorrak; Javier Dominguez, ONCE Euskadiko lurralde Presidenteak; Juan Carlos Andueza, ONCE Euskadiko lurralde Ordezkariak; Jon Insausti, Donostiako Udaletxeko Kultura zinegotziak; Mikel Malkorra, EDEKAko presidenteak; Pablo Gonzalez, Sareen Sareako presidenteak; Lourdes Perez, El Diario Vascoko zuzendariordeak; eta Itxaso Martin, Euskadi Irratiko Albistegietako buruak.

ONCE Euskadik Sari Solidarioak 2018 abian jarri ditu eta hautagaitzak bidaltzeko epea ireki du. Sariak pertsona, enpresak, GKE, erakunde, komunikazio lan eta Herri- administrazioei zuzenduko dira, beti ere Epaimahaiak hala erabakita, ONCE Gizarte Taldearen Kultura Instituzionalarekin eta Hirugarren Sektore Sozialaren helburuei jaramon eginez Ekonomia Sozialaren filosofiarekin bat eginez

Argazkia bulegoan

Euskadiko GGKEen Koordinakundeak Sareen Sarearekin bat egin du

Ikusi irakurketa erraza

Euskadiko GGKEen Koordinakundearen barruan gobernuz kanpoko 79 euskal erakunde daude, nazioarteko kooperazio eta garapenerako heziketaren arloan lan egiten dutenak. Sareen Sarearekin bat egin du berriki, bazkide moduan.

Sareen Sarearen Ezohiko Bilera Nagusian, otsailaren 13an, asteartea, ontzat eman zen GGKEen Koordinakundeak Sarearekin bat egitea. Beraz, Euskadiko Hirugarren Sektore Sozialaren sareen sareak garapenerako kooperazioaren arloa gehitu dio orain arte lantzen zituenei: urritasuna, gizarteratzea, pertsona nagusiak, familia ugariak, gazte eta haurren aisialdi hezitzailea eta ekonomia sozial eta solidarioa, beste batzuen artean. 15 dira dagoeneko Euskadi mailan Sareen Sarearen barruan dauden sareak.

GGKEen Koordinakundeak bat egiteak “are gehiago sendotzen du Sareen Sarearen ordezkaritza eta zilegitasuna hirugarren sektore sozialaren ordezkari gisa”; hala mintzatu da Sareen Sareko presidente Pablo González. Orain arte Sareen Sarean ordezkaritzarik ez zuten jarduera eta erakunde batzuk dira.

GGKEen Koordinakundea Euskadiko Elkarrizketa Zibilerako Mahaiko kidea da, beraz, hirugarren sektore sozialaren barruan dagoen elkarrizketa eta parte-hartze organo nagusieneko kide guztiak Sareen Sareko kide dira dagoeneko.

Natalia Rodríguez eta Olatz Ecenarro dira GGKEen Koordinakundeak izendatutako ordezkariak, Sareen Sarearen barruan garapenerako kooperazioko erakundeak ordezkatzeko.

Euskadiko GGKEen Koordinakundearen barruan gobernuz kanpoko 79 euskal erakunde daude, nazioarteko kooperazio eta garapenerako heziketaren arloan lan egiten dutenak. Sareen Sarearekin bat egin du berriki, bazkide moduan.

Tailerraren kartela

ARABA ETA GIPUZKOAKO HSSREN ELKARTE ETA SAREEN ARTEKO LANKIDETZA TAILERRAK

Otsailaren 22an Donostian eta martxoaren 1ean Gasteizen

Ikusi irakurketa erraza

Otsailaren 22an Donostian eta martxoaren 1ean Gasteizen, bi tailer ospatuko dira Sareen Sareak eta Bizkaiko Hirugarren Sektorearen Behatokiak antolatutakoak. Tailer hauek Gipuzkoako eta Arabako oinarriko elkarte eta sareei zuzenduta daude, zuzeneko esku- hartzea egiten duten arlo edo tipología berbereko eta arlo edo tipología askotako erakundeen arteko elkarlana sustatzeko eta elkarte hauetako eta hirugarren sektore sozialaren sareen arteko elkarlana sustatzeko.

Une honetan jarduera hau bi lurralde hauetan izango da, elkarteen arteko erlazioa eta elkarlana gutxi lantzen direlako baina badago ardura eta gogo handia gai hau abordatzeko, Euskadiko Hirugarren Sektore Sozialaren Liburu Zuriaren datuen arabera.

Azken urteetan, nabarmen egin da aurrera Euskadiko Hirugarren Sektore Sozialaren egituraketa- prozesuan eta zuzenako esku-hartzeko erakundeek (oinarriko edo lehen mailako erakundeak) bigarren, hirugarren, laugarren… mailako sareetan duten artikulazioan. Batez ere, elkarrizketa eta gorabehera politikoen funtzioak garatzen dira. Hala eta guztiz ere, beste hainbat arloren artean, beharrezkoa da zuzenean esku hartzeko erakundeen arteko elkarlanean aurrera egitea (elkarlan horizontala, esate baterako, proiektu hauetan: esku-hartzea, sentsibilizazioa, baliabideak atzematea,… ), baita sareetan esku- hartze zuzeneko erakundeen parte- hartze aktiboan ere.

Proposamen hau oinarriko erakundeei eta lurralde hauetan lan egiten duten sareei zuzenduta dago. Proposamenak honako hau lortu nahi du: gogoeta, topaketa eta elkarlaneko proposamenak sortzea hirugarren sektore sozialeko erakundeetatik, erakundeentzako eta erakundeen artean.

Aurkezpena eta programa kontsultatu, tailerren oinarriak jakiteko.

Inskripzioa egiteko esteka.

Otsailaren 22an Donostian eta martxoaren 1ean Gasteizen, bi tailer ospatuko dira Sareen Sareak eta Bizkaiko Hirugarren Sektorearen Behatokiak antolatutakoak. Tailer hauek Gipuzkoako eta Arabako oinarriko elkarte eta sareei zuzenduta daude, zuzeneko esku- hartzea egiten duten arlo edo tipología berbereko eta arlo edo tipología askotako erakundeen arteko elkarlana sustatzeko eta elkarte hauetako eta hirugarren sektore sozialaren sareen arteko elkarlana sustatzeko.

Harresiak Apurtuz kartel

HARRESIAK APURTUZ, 20 URTE

Elkartasunean bizitzea, euskal gizartearen eragile

Ikusi irakurketa erraza

 

 

Harresiak Apurtuz erakundeak 20 urte bete ditu, EAEko immigrazio arloko erreferente garrantzitsu bihurtuta. Gainera, euskal erakundeen artean ospe handiko eragilea da. 1997an sortu zen eta denbora honetan politikan eragiteko eta sentsibilizatzeko lanean jardun dute, lortu nahi duten gizarte motaren ikuspegi argiarekin: gizarte irekia, anitza, bidezkoa eta berdintasunezkoa, elkarbizitza erreala eta eraginkorra izateko. Berdintasunezko elkarbizitza dela edozein gizarte moderno eta demokratikok funtzionatzeko behar duena.

Sareko lanaren balioa

Harresiak Apurtuz erakundearen ezaugarri nagusietako bat sareko lana da. Inoiz baino beharrezkoagoa da gaur potentzial horri balioa ematea; Euskadiko Hirugarren Sektore Sozialaren Legeak bi urte beteko ditu 2018an eta gertaera garrantzitsu bat da Hirugarren Sektore Sozialak eragile gisa daukan errekonozimendua aitortzea, demokrazia parte-hartzaile baten testuinguruan. Lasaigarria da jakitea parte hartu eta borrokatu dugun espazio horiek bizirik daudela, lanean jarraitzeko.

Lan politiko eta sozialean kontuan hartu beharreko beste aspektu bat zera da: 63 erakundek eta horien atzean dagoen gizarteak sarearen ekintza, jarduera eta posizionamenduak babesten dituela. Konpromisoa eta parte-hartze aktiboa funtsezkoak dira gure eragiteko gaitasuna sendotzeko, eta denon artean zaindu eta sustatu beharreko errealitatea dira. Harresiak Apurtuzek aurrera jarraituko du, mugitzen eta erakunde guztiokin batera bidea egiten, horiek baitira gure benetako balioa. Bihotz guztien aldibereko taupada mantentzen duena da amestu dezakegun mundurik onena.

Harresiak Apurtuz erakundeak 20 urte bete ditu, EAEko immigrazio arloko erreferente garrantzitsu bihurtuta. Gainera, euskal erakundeen artean ospe handiko eragilea da.

Elkarrizketa Zibilerako Mahaiaren argazkia

Euskadiko Elkarrizketa Zibileko Mahaiak Euskadiko Hirugarren Gizarte Sektorearen Estrategia onetsi du

Ikusi irakurketa erraza

 

 

Euskadiko Elkarrizketa Zibilaren Mahaiak Euskadiko Hirugarren Sektore Soziala Sustatzeko Estrategia ontzat eman zuen atzo. EHSSren sare eta erakundeak sustatzera bideratutako 34 jarduera jaso dira horren baitan.

Estrategia hori Euskadiko Hirugarren Sektore Sozialaren Legean jasota dauden neurrien parte da. Eusko Jaurlaritza eta EHSSren arteko estrategia bateratua da, Jaurlaritzaren sailen eta euskal sare sozialaren barneko erakundeen artean sortzen ari den kooperazioan oinarritua. Estrategia garatzen joango da denboran zehar, legegintzaldi honetatik harago. Horretarako, datozen hiru urteetarako lehentasunezko hamabi ekintza onartu ziren atzo.

Egiteko horren lidergoa Eusko Jaurlaritzako Lan eta Gizarte Politika Sailari egokitu zaio. Beatriz Artolazabal sailburuak bere oniritzia eman zuen atzoko bilkuran; “Euskadiko Hirugarren Sektore Sozialaren Sustapenerako Estrategiak sektore hori bera sendotu eta bultzatzen du eta araudi esparru berria eratzen du, lankidetza-ibilbidearekin koherentzia mantenduz. Gainera, lehen mailako jauzi kualitatibo bat ematea dakar, elkarrizketa zibila eta eredu mistoaren ezinbesteko oinarriak mantenduz”. “Elkarlan publiko eta soziala gizarte bidezko eta solidario baten bermea da; berdintasunezko gizarte kohesionatu batena, demokratikoa eta parte-hartzailea, guztion ongizatera bideratuta eta pertsonen aldeko apustua egiten duena. Gizarte eta garapen eredu hori lortzeko, gizarte zibilaren erantzukizun publikoa eta parte-hartze aktiboa sustatu behar ditugu, denon artean beharrizan sozialei erantzuna eman ahal izateko, batez ere esku-hartze sozialari dagokionean” esan zuen Artolazabalek.

Sailburuak eta Sareen Sareko eta Elkarrizketa Zibilaren Mahaiko presidentea den Pablo Gonzálezek espero dute “estrategia baliagarria izatea lankidetza publiko-sozialari dagokionez, Euskadiko sektore publikoaren eta sozialaren arteko lankidetza finkatzen laguntzea eta Jaurlaritzak arlo horretan egiten duen lanaren ildo beretik abiatzea, Euskadiko Elkarrizketa Zibilerako Mahaia sendotuz.

Sektorearen identitatea, egituraketa eta aitorpena direla eta, erakundeek eta sareek jarraituko dute aurrera egiten beren identitatea definitzen eta koherentzia bilatzen; horretarako, barruan biziko dute sozialki proposatzen dutena, eta, horretarako, aukera-berdintasuna eta tratu-berdintasuna sustatuko dituzte erakundeetan eta intzidentzia-funtzioa. Era berean, urratsak emango dituzte sektorea egituratzeko prozesuan eta, horretarako, Sareen Sareak sektoreko eremuekiko harremana sendotuko da, bai eta sare bakoitzaren barneko antolamendua eta lankidetza horizontala ere, zuzeneko esku-hartzeko erakundeen eta sareen artean.

Ildo beretik, estrategiaren helburua ere bada herritarrek, oro har, eta gizarte-eragileek EHGSren ezagutzan eta aitorpenean aurrera egitea, sektorea eta bere lankidetza, erakundeen identifikazioa eta balio osoa eta balio erantsia ezagutzera emateko eta gardentasuna eta ebaluazioaren kultura sustatzeko ekimen baten bidez.

Azkenik, estrategiaren helburu da, halaber, I+G+b jarduera sustatzea gizarteko esku-hartzearen eremuan, bai eta eremu horretan inbertsio-ekimena sustatzea ere eta, horretarako, nazioarteko kontzertuan dauden esperientziak kontuan hartzea, eta Hirugarren Gizarte Sektorearen Euskal Behatokia bultzatzea eta EHGSren egoera, sustapen-neurriak eta estrategiaren zabalkundea ikertzeko eta ebaluatzeko aldizkako zikloa zabaltzea, legearen aurreikuspenak betetzeko aukera emango duena, eta EHGSren errealitatea ezagutzea eta datuetan oinarrituta sustapen-sistema kudeatzea.

Euskadiko Elkarrizketa Zibilaren Mahaiak Euskadiko Hirugarren Sektore Soziala Sustatzeko Estrategia ontzat eman zuen atzo. EHSSren sare eta erakundeak sustatzera bideratutako 34 jarduera jaso dira horren baitan, legegintzaldi honetatik harago ere lantzekoak.

ekonomia solidariaren feriaren kartela

Ekonomia Solidarioaren V.Azoka ospatuko da Errenterian

Larunbata 18an 55 erakusketarik parte hartuko dute Merkatuzarren

Ikusi irakurketa erraza

Ekonomia Solidarioaren V. Azoka honen asmoa da euskal herritarrei Euskadiko Ekonomia Solidarioaren errealitatea hurbiltzea. Mugimendu horrek abian jarritako adierazpen berrienetako bat, eta agerikotasun eta indar handiena dutenetakoa, Merkatu Soziala da, ekoizpen, banaketa, finantziazio eta kontsumo sare bat, neurri batean azoka edo merkatu formatua duten ekimenetan gauzatzen dena.

Pertsonak erdigunean jartzen dituen ekonomia bat eta haien beharrei erantzun kolektiboa ematen dien “merkatu sozial” bat. Horregatik aurtengo leloa “Ekonomia bizitzaren zerbitzura – Cooperar para transformar-nos” da.

Azoka honen helburua da euskal Ekonomia Solidarioa indartzea eta ageriko bihurtzea; hazten ari den errealitate sozioekonomiko bat da, bere praktiken bidez erantzun errealak ematen dizkiona hainbat sektoretan, hala nola, ekoizpenekoan, zerbitzuenean, kontsumoan zein finantzarioan, gaur egun dagoen krisiari, beren bideragarritasuna errentagarritasun integral batean (ekonomikoa, soziala eta ingurumenekoa) oinarritzen duten eredu enpresarialen eta proiektu sozialen bidez.

Sareen Sareak proposamen batzuk landu ditu azken urteetan eta Gorte Nagusietan ordezkaritza izan duten alderdi politiko nagusiekin elkarrizketak egin ditu, gizarte erakundeen garrantzia ikusarazteko, Euskaditik kanpoko hirugarren gizarte sektoreko beste plataforma batzuekin ere elkarlanean.

Azoka honen sustatzaileak honako hauek dira: Ekonomia Alternatibo eta Solidarioko Sarea – REAS Euskadi, Olatukoop (Ekonomia eraldatzaileko sarea) eta Saretuz (kontsumo arduratsuko Donostiako Sarea). Laguntzaileak: Errenteriako Udala, Gipuzkoako Foru Aldundia eta Garapenerako Lankidetzaren Euskal Agentzia.

Azokan 55 erakusketarik parte hartuko dute, eta bereizketa egingo da salmenta zuzeneko erakusmahaien eta zerbitzuen erakusmahaien artean.

Ekonomia Solidarioaren V. Azoka honen asmoa da euskal herritarrei Euskadiko Ekonomia Solidarioaren errealitatea hurbiltzea. Mugimendu horrek abian jarritako adierazpen berrienetako bat, eta agerikotasun eta indar handiena dutenetakoa, Merkatu Soziala da, ekoizpen, banaketa, finantziazio eta kontsumo sare bat, neurri batean azoka edo merkatu formatua duten ekimenetan gauzatzen dena.

Kolektiboen irudia

SEKTORE PUBLIKOKOKONTRATUEN LEGE BERRIAK EUSKADIKO HITZARMEN SOZIALERAKO BIDEA LEUNDU DU

Ikusi irakurketa erraza

BOEn argitaratutako Sektore Publikoko Kontratuen Lege berriaren arabera, Espainiako ordenamendu juridikora Europako Parlamentu eta Kontseiluaren 2014/23/UE eta 2014/24/UE zuzentarauen bitartez egokitu dena, hitzarmen soziala beste aukera bat izan daiteke, hirugarren gizarte sektoreko erakundeekin kontratu publikoak egitearen aurrean, erantzukizun publikoko gizarte zerbitzuak emateko.

Lege berriaren arabera, Autonomia Erkidegoek kontratu izaerakoak ez diren tresnak erabil ditzakete, gizarte beharrizanak betetzera bideratutako zerbitzu publikoak emateko.

Albiste ona eta garrantzitsua da Euskadiko hirugarren sektorearentzat; izan ere, gizarte zerbitzuen euskal sistemaren kontzertuaren erregimena arautzeko baliagarria izango da. Arautze hori egiteke dago oraindik, Eusko Legebiltzarrak 2008an Gizarte Zerbitzuen Legea onartu zenetik. Zailtasun juridikoak aurkitu ditu bidean, aipatutako Europa mailako zuzentarauek eta estatuko legeak zalantzarik gabe argitzen dituztenak.

Sareen Sareak proposamen batzuk landu ditu azken urteetan eta Gorte Nagusietan ordezkaritza izan duten alderdi politiko nagusiekin elkarrizketak egin ditu, gizarte erakundeen garrantzia ikusarazteko, Euskaditik kanpoko hirugarren gizarte sektoreko beste plataforma batzuekin ere elkarlanean.

Sektore Publikoko kontratuen Lege berriari esker, Euskadin administrazioen eta gizarte erakundeen arteko lankidetza publiko-soziala garatzen jarraituko dugu, hitzarmen sozialaren figuraren bidez , erantzukizun publikoko gizarte zerbitzuak emateko xedearekin.

BOEn argitaratutako Sektore Publikoko Kontratuen Lege berriaren arabera, Espainiako ordenamendu juridikora Europako Parlamentu eta Kontseiluaren 2014/23/UE eta 2014/24/UE zuzentarauen bitartez egokitu dena, hitzarmen soziala beste aukera bat izan daiteke, hirugarren gizarte sektoreko erakundeekin kontratu publikoak egitearen aurrean, erantzukizun publikoko gizarte zerbitzuak emateko.

Berrikuntza jardunaldiaren kartela

BERRIKUNTZA ETA EKINTZA SOZIOHEZITZAILEARI BURUZKO III. JARDUNALDIA

Gazte aktibazioa eta partaidetza.

Ikusi irakurketa erraza

Gizarte Hezkuntzako Behatokia/ Kontseiluak (UPV/ EHU) berrikuntza eta ekintza soziohezitzaileari buruzko III. jardunaldia antolatuko du, “Gazte aktibazioa eta partaidetza” lelopean. Jardunaldia azaroaren 29an ospatuko da Bilboko Irakasleen Unibertsitate Eskolan (UPV/EHU).

Egitura honek esparru profesionala eta akademikoa elkarrekin lotzea du helburu. Halaber, hezitzaile, erakundeetako parte-hartzaile, elkargo profesional, sareak, administrazioa, Gizarte Hezkuntzako irakasleria zein ikasleriaren artean lanerako proposamenak sustatu nahi ditu.

Jardunaldi honek bi asmo nagusi ditu: Kontseilu/Behatokiatik sortutako gazte aktibazio eta partaidetzari buruz burututako berrikuntza eta ikerketa prozesuen emaitzen aurkezpena eta hausnarketa foro bat sortu Gazte berrikuntza eta aktibazioaren inguruan. Hala ere, mintegi bat garatuko da alor sozio hezitzailearekin lotutako beharrizanen diagnosiari buruz eta detekzioa eta Gizarte Hezkuntzako Kontseilu/Behatoki saretik lantzeko lan ildoen proposamenari buruz.

Izen- ematea dohainik izango da eta azaroaren 26a baino lehen egin behar partehartzearen ziurtagiria edukitzeko.

Programa ikusteko, sakatu hemen.

Gizarte Hezkuntzako Behatokia/ Kontseiluak (UPV/ EHU) berrikuntza eta ekintza soziohezitzaileari buruzko III. jardunaldia antolatuko du, “Gazte aktibazioa eta partaidetza” lelopean. Jardunaldia azaroaren 29an ospatuko da Bilboko Irakasleen Unibertsitate Eskolan (UPV/EHU).

Elkarrizketa Zibilerako Mahaiaren argazkia

ELKARRIZKETA ZIBILERAKO MAHAIAK ENPLEGUKO, GIZARTERATZEKO ETA FAMILIA ETA HAURREN ESTRATEGIAKO PLANAK AZTERTU DITU

Ikusi irakurketa erraza

Euskadiko Elkarrizketa Zibilerako Mahaia bildu zen atzo, 2018-2021 EHSSaren Sustapen Estrategia, 2017-2021 Gizarteratzeko IV. Planaren aurrerapena eta 2017-2020 Enplegu Plan Estrategikoa eta Familia eta Haurren Estrategia aztertzeko.

Topaketan, bestalde, DSBEaren batzorde mistoen lanen eta Bizitegi Bazterketa Larriko Estrategiaren segimendua egin da, eta sailburuak 2018ko aurrekontuaren ildo batzuk aurkeztu ditu.

Elkarrizketa Zibilerako Mahaia hogei kidek osatzen dute: horietako lau, Euskadiko Administrazio Orokorrekoak eta, beste hamasei, gizarte-ekintzako hirugarren sektorekoak. Elkarrizketa Zibilaren Mahaiaren helburua da Eusko Jaurlaritzaren eta hirugarren sektore sozialaren arteko elkarrizketa sustatu eta ahalbidetzea, gobernantza arloan, politika publikoak diseinatu eta gauzatzeko orduan adostasuna eraikitzeko helburuz.

Euskadiko Elkarrizketa Zibilerako Mahaia bildu zen atzo, urriaren 30ean, besteak beste, 2018-2021 EHSSaren Sustapen Estrategia, 2017-2021 Gizarteratzeko IV. Planaren aurrerapena eta 2017-2020 Enplegu Plan Estrategikoa eta Familia eta Haurren Estrategia aztertzeko.

fedeafes elkartearen argazkia eusko legebiltzarrean

BURUKO OSASUN ARAZOA DUTEN PERTSONEN LAN-AUKERAK SUSTATZEKO POLITIKA AKTIBOAK ESKATU DITU FEDEAFESEK (2)

Ikusi irakurketa erraza

Buru gaixotasuna duten pertsona eta senide elkarteen Euskadiko federazioak (Fedeafes) kolektibo honen “lan-aukerak handitzeko beharra” azpimarratu du gaur, Eusko Legebiltzarrean egindako ekitaldi batean.

Buru Osasunaren Nazioarteko Egunaren harira, Fedeafeseko presidente María Ángeles Arbaizagoitiak, euskal elkarteetako ordezkariak ondoan zituela, “ekintza positiboko neurriak” har daitezela aldarrikatu du, gaixotasun mentala duten pertsonek lanpostua lortu eta mantentzeko babesa izan dezaten.

Eusko Legebiltzarreko presidente Bakartxo Tejeriak aintzat hartu du Fedeafesek 30 urteotan buru gaixotasuna ikusarazteko egin duen lana, eta nabarmendu du talde parlamentario guztiek aho-batez hartu dutela euskal federazioarekin kolaboratzen jarraitzeko konpromisoa.

Buru Osasunaren Nazioarteko Eguneko txostena kontsultatu.

Buru gaixotasuna duten pertsona eta senide elkarteen Euskadiko federazioak (Fedeafes) kolektibo honen “lan-aukerak handitzeko beharra” azpimarratu du gaur, Eusko Legebiltzarrean egindako ekitaldi batean.

Elkarrizketa Zibilerako Mahaiaren argazkia

ELKARRIZKETA ZIBILERAKO MAHAIAK DBE HOBETZEAREN INGURUAN EZTABAIDATZEKO BATZORDE BAT ERATZEA ERABAKI DU

Etxebizitza arloko Bazterkeria kasu larrien inguruko Estrategia lantzeko talde bat ere eratuko da.

Ikusi irakurketa erraza

Euskadiko Elkarrizketa Zibilerako Mahaia Euskadiko Hirugarren Sektore Sozialaren (EHSS) sareek eta Autonomia Erkidegoko Administrazioak osatutako organoa da. Helburua zera da: Eusko Jaurlaritzaren eta hirugarren sektore sozialaren arteko harremanak sustatu eta erraztea. Atzo egindako bileran Gobernuaren eta EHSSren arteko bi batzorde eratzea erabaki zuten; batetik, Diru-sarrerak Bermatzeko Errenta hobetzeko (DBE); eta, bestetik, Etxebizitza arloko Bazterkeria egoera larrien inguruko Estrategia lantzeko.

DBEren kasuan, Enplegu eta Gizarte Politika Saileko Beatriz Artolazabalek “Diru-sarrerak bermatzeko Errenta hobetzeko oinarrien dokumentua” aurkeztu zuen maiatzaren 31n, Eusko Legebiltzarreko Enplegu, Gizarte Politika eta Gazteria Batzordean. Dokumentu irekia da, aztertu eta proposamenak egiteko, Diru-sarrerak bermatzeko eta Gizarteratzerako 18/2008 Legea aldatzeko.

Euskadiko Elkarrizketa Zibilerako Mahaiak atzo egindako bileran, Sareen Sareak 15 orrialdeko dokumentu bat aurkeztu zuen, hori ere irekia. Horren bidez balioa eman zaio gizarte babeserako sistema horri; gabeziak errepasatu dira eta banaka-banaka aztertu dira Eusko Jaurlaritzak aurkeztutako oinarrizko dokumentuan proposatutakoak.

Sareen Sareak egindako dokumentuaren bidez eskatu da Jaurlaritzaren eta EHSSren arteko batzorde misto bat; eskaera hori ontzat eman zuen Sailburuak, bileran egon zenak, eta EEZMko kide guztiak.

Artolazabalek gogorarazi zuen DBEren hobekuntzaren inguruko eztabaida Legebiltzarrean garatuko dela eta Jaurlaritzak 2018ko lehen hiruhilekorako lege proiektu bat aurkezteko konpromisoa duela.

Etxebizitza arloko bazterkeria

Elkarrizketa Zibilerako Mahaiaren bilera berean, eta oraingoan aholkularitzak hala eskatuta, beste lan batzorde misto bat sortzea erabaki zen, Etxebizitza arloko Bazterkeria larriaren inguruko Estrategia lantzeko. Sailburuak esan zuen moduan, ia amaituta dago, eta Etxebizitza Sailak egin beharreko ekarpen batzuk baino ez dira falta.

Batzorde horrek, gainera, estrategia betearaztea izango du helburu, dokumentuan jasotzen diren jarduera-ildoen bidez hartutako konpromisoak betetzen direla egiaztatzeko. Udazkenean onartzea aurreikusi da.

Euskadiko Elkarrizketa Zibilerako Mahaia Euskadiko Hirugarren Sektore Sozialaren (EHSS) sareek eta Autonomia Erkidegoko Administrazioak osatutako organoa da. Helburua zera da: Eusko Jaurlaritzaren eta hirugarren sektore sozialaren arteko harremanak sustatu eta erraztea.

Elkarrizketa Zibilerako Mahaiaren argazkia

EUSKADIKO HIRUGARREN SEKTORE SOZIALA SUSTATZEKO ESTRATEGIA DEFINITUTA EGONGO DA URRI BUKAERARAKO

2017-2020 arteko ekintzak zehaztuko du sektorea sustatzeko

Ikusi irakurketa erraza

Urri bukaeran definituta egongo da Euskadiko hirugarren sektore sozialera bideratutako politika publikoen estrategia berria (2017-2020), atzo Elkarrizketa Zibilaren Mahaiak (EZM) erabaki zuenez.

Euskadiko Hirugarren Sektore Sozialari buruzko legearen arabera, 17. artikuluan, Eusko Jaurlaritzari esleitzen dio EHSSeko erakunde eta sareekin lankidetzan estrategia eratzeko eskumena.

Aipatutako estrategiaren helburua da, alde batetik, EHSSak euskal gizarteari egiten dion ekarpena sendotzea eta, bestetik, EHSSaren eta Eusko Jaurlaritzaren arteko kolaborazioa sendotzea.

Estrategian jasotako esku-hartzeak erakundeen, sareen eta Eusko Jaurlaritzaren ekintzetan eta lankidetzan zentratuko dira, bestelako instituzio edo eragile adierazgarri batzuk nahasten dituzten ekintza edo esku-hartzeak barne hartzeko aukeraren kalterik gabe; betiere, guztien adostasunez. Sailen arteko estrategia da eta Eusko Jaurlaritzak EHSSa sustatzeko burutzen dituen ekintza eta neurriak barne hartzen ditu, bai esku-hartze sozialaren arloan, bai jarduera ekonomikoaren sustapenari eta berau garatzen duten erakundeei dagokienez.

Estrategia eratzeko prozesuan Eusko Jaurlaritzako 10 sailek parte hartu dute, Eusko Jaurlaritzaren eta Euskadiko Hirugarren Sektore Sozialaren arteko lankidetzaren zeharkakotasuna islatuz. EZMaren saioan Beatriz Artolazabal Enplegu eta Gizarte Politika Sailburuak adierazi zuenez, «asmoa da estrategia zeharkako tresna izatea, inoiz baino gehiago, eta Jaurlaritzaren sail ezberdinen lan koordinatuari erantzutea; betiere, EHSSaren eta lankidetza publiko-sozialaren arloan jarrera eta ikuspegi partekatuan oinarrituta». Estrategiaren garapenean parte hartu dute Hirugarren Sektore Sozialak, Eusko Jaurlaritzak eta beste administrazio batzuek.

EHSSaren Legean jasotzen denez, estrategian barne hartuko dira aldeetako bakoitzak bere aldetik zein elkarren arteko lankidetzan sustatu beharreko esku-hartzeak, eta 4 urteko indarraldia ezartzen da. Horiekin batera jasotzen ditu Euskadiko Hirugarren Sektore Sozialeko erakunde eta sareak sendotzearekin lotuta ezarri beharreko helburu eta neurriak, gizarte ekarpena sustatzeko beharra eta gizarte esku-hartzearen eremu osoan bete beharreko funtzio ezberdinen garapena.

Estrategian honako puntuak aurreikusten dira: erakundeen gizarte oinarria eta parte-hartzea; erakundeen sendotzea eta kudeaketa; EHSSren egituratzea eta erakunde arteko kolaborazioa; iraunkortasuna, autonomia, gardentasuna eta kontuak ematea; inbertsioak eta azpiegiturak; sektore publikoarekiko kolaborazioa (legegileak eta betearazleak); enpresekiko kolaborazioa; EHSSren sustapena, fiskalitatea eta aitortza; eta sektorearen identitatea.

Estrategiak, gainera, ekarpenak egingo ditu legean jasotzen diren alderdi ezberdinak zabaltzeko eta EHSS sustatzeko, hala nola: euskal herri administrazioen beste maila batzuetako sustapen neurriak; EHSSa sustatzeko neurriei buruzko txostena; erakundeen azpiegiturak garatzen, inbertsioak egiten, kudeaketa hobetzen eta jarduera ekonomikoa bultzatzen laguntzeko neurriak; EHSS eta haren ekarpena, egituraketa zein erakunde eta sareen arteko lankidetza aitortzeko bultzada; EHSSaren ekarpenaren aitortza eta sektore publikoko beste neurri batzuek EHSSan duten eraginaren ebaluazioa; euskal herri administrazioen aldetik enpresen eta EHSSaren arteko lankidetzaren sustapena; eta

Hirugarren Sektore Sozialaren Euskal Behatokiaren kudeaketa.

Proposatutako helburuak lortzera bidean, azken fasera arte estrategia diseinatu duen EZMaren lan-batzorde mistoak beharrezkotzat jotzen du zenbait adierazle ezartzea, estrategiaren betearazpenaren urteko jarraipena egitea ahalbidetzeko eta 4 urteko indarraldia bukatutakoan emaitzak ebaluatzeko txosten bat osatzeko. Txosten biak Eusko Legebiltzarrari bidaliko zaizkio, eta bertan aurkeztuko dira.

Faseak

Aipatutako lanak burutzeko tailer ezberdinak antolatu dira sare eta erakunde txiki zein ertainekin; dokumentazioa bildu da; Kataluniako Hirugarren Sektoreko erakundeen Taularekin topaketa egin da; eta Enplegu eta Gizarte Politika Sailarekin zenbait saio antolatu dira.

Bigarren fasean, estrategiaren lehendabiziko zirriborroa eta esku-hartzeen zerrenda sortu dira, eta EHSSko sareekin lan-saio ezberdinak antolatu dira Eusko Jaurlaritzako Sail ezberdinekin, Foru Aldundiekin eta Eudelekin, baita Euskadiko Elkarrizketa Zibilaren Mahaiaren Batzorde Mistoaren baitan ere.

Hasi berri den hirugarren fase honetan estrategiaren bigarren zirriborroa sortuko da, Sareekin eta Eusko Jaurlaritzarekin alderatzeko, eta, ondoren, Euskadiko Elkarrizketa Zibilaren Mahaian aurkeztuko da, ekarpenak barne hartu eta dokumentua bukatutzat emateko. Bukatutakoan Gobernu Batzordeari igorriko zaio. Hirugarren fasea urri bukaeran amaituko da, Sareen Sarea, GGKEen Koordinakundea eta Unicef sareekin bilera egin ondoren.

Urri bukaeran definituta egongo da Euskadiko hirugarren sektore sozialera bideratutako politika publikoen estrategia berria (2017-2020), atzo Elkarrizketa Zibilaren Mahaiak (EZM) erabaki zuenez.

Presidenteen argazkia

PABLO GONZALEZEK GONZALO RODRIGUEZ ORDEZTUKO DU EZMAREN PRESIDENTE GISA

Mahaiak orain arteko presidentearen lana goraipatu du.

Ikusi irakurketa erraza

Pablo Gonzalez Gutierrezek, hartu zuen atzoko ohiko bilkuran Gonzalo Rodriguez Aguirregoitiaren lekukoa. Pablo, Euskadiko Elkarrizketa Zibilaren Mahaian (EZM) FEVAS Plena Inclusion elkartearen ordezkaria da. Gonzalo (REAS Euskadi) aipatutako organoaren presidentea izan da orain arte.

Elkarrizketa Zibilaren Mahaiaren helburua da Eusko Jaurlaritzaren eta hirugarren sektore sozialaren arteko elkarrizketa sustatu eta ahalbidetzea, politika publikoak diseinatu eta gauzatzeko orduan adostasuna eraikitzeko helburuz. Euskadiko Hirugarren Sektore Sozialeko sareek eta Autonomia Erkidegoko administrazioak osatzen dute.

Enplegu eta Gizarte Politika Sailburuak, Beatriz Artolazabalek, zorterik onena opatu zion Pablo Gonzalezi eta haren aitzinekoak egindako lana goraipatu zuen, «EZMaren hasiera eta martxan jartzea, baita sektorea arautzen duen legearen onarpena ere, arrakastaz zuzendu dituela» iritzita.

EZMan EHSSeko sareen ordezkari direnek ere eskerrak eman zizkioten Gonzalo Rodriguez Agirregoitiari, sektore sozialarekin hartutako konpromisoagatik. Atzo arte presidente izan denak estimuz adierazi zuenez, «hirugarren sektore sozialean lanean jarraituko dut, harro bainago haren parte izateaz. Ohore handia izan da mahai honen presidente izatea».

Pablo Gonzalez Gutierrezek, Euskadiko Elkarrizketa Zibilaren Mahaian (EZM) FEVAS Plena Inclusion elkartearen ordezkariak, hartu zuen atzoko ohiko bilkuran Gonzalo Rodriguez Aguirregoitiaren lekukoa (REAS Euskadi) aipatutako organoaren presidente gisa.

Fedeafesen argazkia, ikerlana aurkezten

FEDEAFES-EK BURU GAIXOTASUNA DUTEN EMAKUMEEN AURKAKO INDARKERIARI BURUZKO IKERLANA AURKEZTEN DU

2015 eta 2016 urteetan landu dute, Eusko Jaurlaritzako Enplegu eta Gizarte Politiken sailaren zein Emakunderen laguntzarekin

Ikusi irakurketa erraza

Buru gaixotasuna duten emakumeen aurkako indarkeriari buruzko azterlanaren aurkezpen ekitaldia egin zuten pasa den ekainaren 14an. Fedeafes elkarteak aurkeztu zuen ikerlana.

Buru gaixotasuna duten emakumeen %75k indarkeria jasan du noizbait familiartean edo bikote-harremanean. Lan horren arabera, nahasmendu psikiko larria duten emakumeen %40 izan da bortxakeria sexualaren biktima.

2015 eta 2016 urteetan zehar Osakidetzaren eta instituzioen kolaborazioarekin, buru gaixotasun larria duten emakumeak indarkeria jasateko arrisku bikoitza edo laukoitza dute, eta jasaten ari direna ez dute biolentzia gisa identifikatzen kasuen %40n. Azterlan hau aitzindaria da espainiar Estatuan, orain arte ez baitira errealitate honen datu kuantitatiboak jaso.

Fedeafeseko gerente Mari Jose Canok kaltetutako emakumeei sinesgarritasuna ematearen garrantzia nabarmendu du. Izan ere, batzuetan profesionalek ez dute euren testigantza kontuan hartzen buru gaixotasunak eldarnioak eragiten dituela ulertzen dutelako. Hala ere, datuek baieztatzen duten moduan, jarritako salaketak errealak dira kasuen gehiengo garbi batean eta ehuneko minimo batean salatzen dira egoera irrealak.

Ekitaldian buru gaixotasuna duten emakumeekin lan egiten duten profesionalak sentsibilizatzeko gida ere aurkeztu du Fedeafesek. Dokumentu horretan indarkeriaren biktimen eta buru gaixotasunaren arteko konexioez ere ohartarazten dute.

Buru gaixotasuna duten emakumeen aurkako indarkeriari buruzko azterlanaren aurkezpen ekitaldia egin zuten pasa den ekainaren 14an. Ikerlana Buru gaixotasuna duten pertsona eta senide elkarteen Euskadiko federazioak aurrera eraman dute.

Zuzendaritzaren argazkia

SAREEN SAREAK BERE ZUZENDARITZA BATZORDEA BERRIZTATU DU

Pablo Gonzalez izango da presidente berria, Gonzalo Rodriguezen ordez.

Ikusi irakurketa erraza

Sareen Sareak Zuzendaritza Batzordea berriztatu du. Estatutuen arabera, hiru urterik behin karguak berriztatu behar dira.

Pablo Gónzalez Gutiérrez FEVAS Plena Inclusión hemendik aurrera Sareen Sareko presidentea izango da, REAS Euskadiko Gonzalo Rodríguez Aguirregoitiaren ordez. Iñigo Vidaurrazaga (Hirekin) izango da presidenteordea.

Sareen Sareko batzordeak Gonzalo Rodriguez Aguirregoitiak hiru urtez egindako lana aitortu eta eskerrak eman zizkion, bere “talentu, hausnarketa eta ekintzagatik”. Haien esanetan, bere ekarpenari esker da Sareen Sarea gaur egun dena”.

Rodríguez Aguirregoitiak eskerrak eman zizkien Sareen Sareko sare eta erakunde guztiei eta bereziki bere sareari (REAS Euskadi) eta erakundeari (Caritas), emandako konfiantzagatik. Era berean, egindako bidean beste erakunde eta gizarte eragile batzuek emandako laguntza eskertu zuen.

Sareen Sareak Zuzendaritza Batzordea berriztatzea erabaki zuen azken ohiko batzarrean. Estatutuen arabera, hiru urterik behin karguak berriztatu eta beste sare eta pertsona batzuei txanda pasa behar zaie; izan ere, hori da sareen sarearen funtzionamendu normala, elkarte anitz eta askotarikoa den heinean.

elkarlan saria bilketa

EUSKADIKO MERKATU SOZIALA, 2016 ELKARLAN SARIA

Goiener kooperatibak eta Portugaleteko Merkatua proiektuak ere saria jaso dute.

Ikusi irakurketa erraza

Merkatu Sozialaren proiektuak 2016ko Elkarlan Saria jaso du, Eusko Jaurlaritzako Gobernantza Publikoko Sailak emandakoa.

49 proiektu aurkeztu dira sariketara eta epaimahaiak bereziki aipatu du irabazi duten hiru proiektuek balio publikoa sortzeko potentzial handia eta izaera berritzailea dutela. Gainera, gizarteak antolatzeko daukan gaitasunaren adibide argia direla ere esan dute.

Merkatu Sozialaren Talde Eragileko María Ferrer kideak jaso zuen saria, ekainaren 16an.

Merkatu Sozialaren proiektuak 2016ko Elkarlan Saria jaso du, Eusko Jaurlaritzako Gobernantza Publikoko Sailak emandakoa.

ONCE sariak 2017

ONCE Euskadi 2017 Sari Solidarioen Emate Ekitaldia

Koloretako Abesbatza, Begirada, Jesus Antonio Perez Arrospide ‘Perico’, Eroski-Gureak eta DSS2016 Europako Kultur Hiriak jaso dituzte sariak

Ikusi irakurketa erraza

Instituzioen eta Euskadiko Hirugarren Gizarte Sektorearen ordezkaritza ugari bildu ziren , Gasteizko Europa Jauregian ONCE Euskadi 2017 Sari Solidarioen banaketan parte hartzeko. Bakartxo Tejeria Eusko Legebiltzarreko presidenteak zuzendu zuen ekitaldia.

Aurtengo edizioan, honakoak izan ziren sarituak: Coro de Colores (Instituzio, Erakunde, Elkarte, GKEen kategorian); “Begirada (Komunikazio kategorian); Jesus Antonio Perez Arrospide, ‘Perico’ (Pertsona Fisikoen kategorian); Eroski- Gureak (Enpresa kategorian), eta DSS2016, Europako Kultur Hiriak(Administrazio Publikoen kategorian).

Sarien banaketan parte hartu dute: Bakartxo Tejeria Eusko Legebiltzarreko lehendakariak; Ramiro Gonzalez Vicente Arabako ahaldun nagusiak; Gorka Urtaran Vitoria-Gasteizko alkateak; Beatriz Artolazabal Eusko Jaurlaritzako Enplegu eta Gizarte Politika sailburuak; Angel Sanchez, ONCEko zuzendari nagusiak; eta Javier Dominguez, ONCE Euskadiko Lurralde Kontseiluko presidenteak. Horiez gain, euskal gizarte zibilaren parte hartzea, eta gonbidatu ugari izan dira.

ONCE Euskadi 2017 Sari Solidarioen epaimahaia ondokoek osatu dute: Jose Antonio Patricio Euskadin RTVEren zuzendari erregionalak; Juan Prada, Araban ‘El Correo’ egunkariko zuzendariak; Josetxo Hernandez Euskadiko Lan Sozietateak (ASLE) elkarteko zuzendari-kudeatzaileak; Julia Hernandez, Arartekoaren ondokoak; Iñaki Irusta Gurutze Gorriko presidente autonomikoak; Mikel Malkorra EDEKAko presidenteak; Imelda Fernandez ONCEko kontseilari nagusiak; Javier Dominguez ONCE-Euskadiko Lurralde Kontseiluko presidenteak, eta Juan Carlos Anduezak, ONCE-Euskadiko lurralde ordezkariak.

Informazio gehiago

Instituzioen eta Euskadiko Hirugarren Gizarte Sektorearen ordezkaritza ugari bildu ziren , Gasteizko Europa Jauregian ONCE Euskadi 2017 Sari Solidarioen banaketan parte hartzeko, eta Bakartxo Tejeria Eusko Legebiltzarreko presidenteak zuzendu zuen ekitaldia.

Eusko Legebiltzarraren Plenoa

EUSKO JAURLARITZAREN ADIERAZPEN INSTITUZIONALA, EUSKADIKO HIRUGARREN SEKTORE SOZIALAREN EGUNEAN

Ikusi irakurketa erraza

Eusko Legebiltzarrak adierazpen instituzionala onartu du alderdi politiko guztien batasunarekin. Duela zehazki urtebete onartu zuen Legebiltzarrak Euskadiko Hirugarren Sektore Sozialaren Legea.

Eusko Legebiltzarrak premiatu egiten ditu Eusko Jaurlaritza eta administrazioak Hirugarren Sektore Sozialarekiko beharrezko lankidetza abian jar dezaten Elkarrizketa Zibilaren esparruan.

Era berean, premiatu egin ditu Euskadiko Hirugarren Sektore Sozialaren sustapena eta sendotzea bultza dezaten, Euskadiko Hirugarren Sektore Sozialari buruzko 6/2016 Legea betez, Euskadiko gizarte-sarea, parte-hartze soziala eta elkartasun antolatua sendotze aldera.

Eta, azkenik, animatu egin ditu herritarrak, Euskadiko auzo, herri eta hirietan barreiatutako Hirugarren Sektore Sozialeko erakundeekiko atxikipena, babesa eta parte-hartzea areagotu dezaten.

Eusko Legebiltzarrak adierazpen instituzionala onartu du alderdi politiko guztien batasunarekin EUSKADIKO HIRUGARREN SEKTORE SOZIALA aitortzeko, Sareen Sareak eskatuta. Duela zehazki urtebete onartu zuen Legebiltzarrak Euskadiko Hirugarren Sektore Sozialaren Legea eta, harekin bat eginda, oroitzapenezko ekitaldia burutu baino egun bat lehenago agertu diote babesa gure sektoreari. EHSSaren Legea ere batasun eta adostasun handiz onartu zen.

Sareen Sarea Eusko Legebiltzarreko lehendakariarekin

Sareen Sarea Bakartxo Tejeria, Eusko Legebiltzarreko lehendakariarekin biltzen da

Ikusi irakurketa erraza

Asteazkena, maiatzak 3 honetan, Sareen Sarearen ordezkariak,Bakartxo Tejeria Legebiltzarreko Presidentearekin elkartu dira.

Bileraren helburua bikoitza izan da. Alde batetik, Sareen Sarearen proiektua aurkeztu. Eta, bestetik, Hirugarren Sektore Sozialaren Egunaren berri eman nahi izan diogu legebiltzarrari.

Legebiltzarreko Presidenteak babesa erakutsi dio Sareen Sareak egiten duen lanari, eta baieztatu du parte hartuko duela datorren maiatzaren 12an Bilboko Itsas Museoan burutuko den ekitaldian.

Asteazkena, maiatzak 3 honetan, Gonzalo Rodriguez Aguirregoitia eta Mikel Barturen Nuño Sareen Sarearen ordezkariak, presidente eta koordinatzaile hurrenez hurren, Bakartxo Tejeria Legebiltzarreko Presidentearekin elkartu dira.

emakumea eta osasun mentala

EMAKUMEEN NAZIOARTEKO EGUNA

Buruko osasun arazoa duten emakumeei eragiten dien “diskriminazio bikoitzari” aurre egiteko neurriak eskatu ditu Fedeafesek.

Ikusi irakurketa erraza

Fedeafesek, buru gaixotasuna duten pertsona eta senide elkarteen Euskadiko Federazioa da. Emakumeen Nazioarteko Eguna ospatuz, emakume hauek indarkeriaren biktima izateko duten arriskuaz ohartarazi nahi ditu administrazioak, eta egoera horiek ekiditeko behar adina neurri hartzeko eskatu du.

Kolektibo honen kalteberatasun egoeraz kontzientziatzeko lanean dihardu Fedeafes. Baita buru gaixotasuna duten emakumeei informatzeko eta euren ahalduntzea sustatzeko ere.

Avifes, Agifes, Asafes eta Asasam elkarteak batzen ditu federazioak. Azken urteotan, hainbat azterlan gauzatu ditu gai anitzen inguruan. Ikerketa horietan lortutako datuen arabera, Fedeafesetik jakinarazi dute kolektiboari zuzendutako zerbitzuak eta enplegu-baliabideak baliatzeko garaian, alde nabarmena dagoela emakumeen eta gizonezkoen artean. Gizonezkoen kopurua bikoitza da, hain zuzen.

Hala ere, genero-ikuspegia barneratzea buruko osasun arazoak dituzten emakumeekiko esku-hartzean beharrezkoa dela jakinarazten dute. Federazioak adierazi duen moduan, emakume hauen parte-hartzea bultzatu behar da euren gizarteratzea eta laneratzea sustatzeko oinarrizkoak diren arloetan: enpleguan, prestakuntza-programetan eta baliabide okupazionaletan, besteak beste.

Zentzu horretan, emakume hauek gizartean jasaten duten “diskriminazio bikoitza” salatu du euskal federazioak; euren diagnostikoagatik eta emakume izateagatik pairatzen duten desberdintasun egoera, hain zuzen.

 

Fedeafesek, buru gaixotasuna duten pertsona eta senide elkarteen Euskadiko Federazioak, Emakumeen Nazioarteko Eguna ospatuz, emakume hauek indarkeriaren biktima izateko duten arriskuaz ohartarazi nahi ditu administrazioak, eta egoera horiek ekiditeko behar adina neurri hartzeko eskatu du.

ekonomia solidariaren adierazpena

MARTXOAREN 8RAKO REAS-EN ADIERAZPENA

Nola eraiki bizitza bizigarriago guztion artean?

Ikusi irakurketa erraza

REAS, ekonomia alternatiba eta solidarioaren Sareak, Emakumeen Nazioarteko Egunean, ekonomia solidaria eta feminista eraikitzeko adierazpena eta 12 proposamen argitaratu ditu.Testuan, gure egiteko moduak ez ezik geure burua eta gure erakundeak eraldatzea planteatzen dute.

REASen adiezazpena ikusteko

REAS, ekonomia alternatiba eta solidarioaren Sareak, Emakumeen Nazioarteko Egunean, ekonomia solidaria eta feminista eraikitzeko adierazpena eta 12 proposamen argitaratu ditu.

argazkia fges ordezkariak

SAREEN SAREA EKONOMIA SOZIALAREN FORO GLOBALEKO ORDEZKARIEKIN BILDU DA

Ikusi irakurketa erraza

Otsailaren 3an, Sareen Sareko presidentea, Ekonomia Sozialaren Foro Globaleko (GSEF) ordezkariekin batzartu zen.

GSEF nazioarteko elkarte egonkorra da, Seulen egoitza duena. Tokiko gobernuak eta gizarte zibileko eragileak barne hartzen ditu eta ekonomia sozial eta solidarioa du ardatz, tokiko ekonomiaren garapenerako funtsezko faktore moduan.

Lehenengo topaketa hori 2018aren amaieran Bilbon egingo den topaketa handi baten aurrekaria izan da. Ekitaldi hori nazioarteko erreferente izango da Hirugarren Sektorean maila sozial, ekonomiko eta mediatikoan.

Aurreko topaketa Montrealen izan zen, 2016ko irailean. 62 herrialde eta 330 hiritatik bertaratutako 1.500 pertsonak parte hartu zuten, foroaren gai nagusiaren inguruan eztabaidatzeko: tokiko gobernuen eta ekonomia sozialaren eragileen arteko kolaborazioa, hirien garapenerako.

Sareen Sarea erakundea GSEF2018 ekitaldirako tokiko antolakuntza Batzordeko kideetako bat da.

Otsailaren 3an Gonzalo Rodríguez, Sareen Sareko presidentea, Ekonomia Sozialaren Foro Globaleko (GSEF) ordezkari Laurence Kwark eta Suhyun Kimekin batzartu zen.

kultura hiriburuaren kartela

EUSKOFEDERPEN, KULTURA HIRIBURUAREKIN BAT

Ikusi irakurketa erraza

Euskofederpen elkarteak hainbat kontzertu koral antolatu zituen abenduaren 12 eta 13rako, “Energia olatuak” programaren barruan. Donostia 2016 Europako Kultura Hiriburuaren esparruan martxan jarritako programa bat izan zen, herritarren kultura arloko ekimenak sustatzeko helburuarekin.

Adineko pertsonek bat egin zuten Kultura Hiriburuaren ekimenarekin. Zahartze aktibo eta osasungarriaren errealitatea zabaldu zuten herritarren artean, adineko jendeak ere protagonismoa nahi duela ikusaraziz. “Ez jarri urteak bizitzari, eman bizitza urteei” lelopean, erakutsi dute badakitela bizitzaz gozatzen, musika atsegin dutela eta Donostiako kultur ekitaldietan gustura parte hartzen dutela.

Kontzertuak San Bizente elizan eman ziren. Gipuzkoa osoko hamar abesbatzak parte hartu zuten. Egun bakoitzaren amaieran parte-hartzaileek Agur Jaunak abestu zuten, Euskadiko kantu adierazgarri bat.

Bideo honetan kontzertuen laburpena ikus daiteke:

Euskofederpen, Euskal Herriko Erretiratu eta Pentsiodunen Federazioak hainbat kontzertu koral antolatu zituen abenduaren 12 eta 13rako, “Energia olatuak” programaren barruan. Donostia 2016 Europako Kultura Hiriburuaren esparruan martxan jarritako programa bat izan zen, herritarren kultura arloko ekimenak sustatzeko helburuarekin.

sailburuarekin argazkia

SAREEN SAREA ENPLEGUKO ETA GIZARTE POLITIKETAKO SAILBURUAREKIN BILTZEN DA

Ikusi irakurketa erraza

Urtarrilaren 24an Sareen Sareako ordezkariek, Sareen Sarea proiektua aurkeztu dute Enpleguko eta Gizarte Politiketako sailburuari.

Lakuan ospatutako bileran, Hirugarren Sektorearen Legea garatzeko proposamenak eta Gizarte Zerbitzuen Legearekin loturiko dekretuen garapena azaldu ziren. Egon ziren ere bai, Gizarte Politiketako sailburuorde Lide Amilibia eta Emilio Sola zuzendaria.

Artolazabal Sailburuak, Hirugarren Sektoreko sareekin baterako lana beharrezkoa izango dela azpimarratu zuen. Sareen Sareak markatutako helburuak lortzeko Eusko Jaurlaritzako inplikazioa beharrezkoa izango dela azpimarratu zuen ere bai.

Urtarrilaren 24an Sareen Sareako ordezkariek, Gonzalo Rodriguez Aguirregoitia, Pablo Gonzalez eta Manolo Vilabrille, Sareen Sarea proiektua aurkeztu dute Eusko Jaurlaritzako Enpleguko eta Gizarte Politiketako sailburu Beatriz Artolazabali.

gizatea kanpaina kartela

Gizateak “Gizarte hobeagoaren alde ari gara lanean” kanpaina abiatu du

Kanpainak, egoera zailean dauden pertsonek enplegua errazago aurkitzea bultzatu nahi du.

ikusi irakurketa erraza

Gizatea, Gizarteratzeko eta Laneratzeko Euskadiko Enpresen Elkartea da. Gizateak “Gizarte hobeagoaren alde ari gara lanean” kanpaina abiatu du. Lanbidek-Eusko Jaurlaritzako Euskal Enplegu Zerbitzuak parte hartzen eta finantzatzen du. Kanpaina honekin egoera zailean edo baztertuta dauden pertsonek enplegua errazago aurkitzea bultzatzeko.

Informazio kanpaina Euskadiko erakunde publikoei dago zuzenduta.

Gizateak, gizarteratzearekin konpromisoa erakusten duten erakunde publikoak eta pribatuak aintzatetsiko dituen zigilua sortu du.

Une honetan, gizarteratzeko eta laneratzeko enpresek eskaintzen dituzten produktuen eta zerbitzuen bezeroen %81 bezero pribatuak dira eta %19 soilik dira sektore publikoko erakundeak.

Informazio kanpaina horren bitartez, gizarteratzeko eta laneratzeko enpresek sektore publikoarekin duten lankidetza handitzea bilatzen dute. Kontratazio publikoa, gure gizartean egoera txarrenean dauden taldeentzat enplegua sortzeko orduan bere eragin potentzial guztia garatuko duen benetako tresna politikoa bilakatzea lortu nahi da.

Gero eta gizarte zuzenagoa eta solidarioagoa bilatzeko prozesuan, Gizateak, Gizarteratzeko eta Laneratzeko Euskadiko Enpresen Elkarteak “Gizarte hobeagoaren alde ari gara lanean” kanpaina,...

astialdi sarearen sinadura argazkia

Astialdi Sarea Sareen Sarean hasi da

Astildi Sarea (Euskal Herriko haur, nerabe eta gazteekin gizarte esku hartzean eta aisialdi hezitzailean diharduten erakundeen sarea) Sareen Sareko bazkide bihurtu da.

ikusi irakurketa erraza

José Alberto Vicentek (Astialdi Sareko ordezkaria), Gonzalo Rodriguez eta Javier Dominguezek (Sareen Sareko presidentea eta idazkaria) Astialdi Sarea Euskadiko Hirugarren Sektorearen Sarean sartzeko prozesuari amaiera eman diote.

Bidezkoa da erakunde horren bat-egitea, izan ere, Astialdi Sarearen jarduera-esparruak barne hartzen dituen talde batzuek orain arte ez dute eduki ordezkaritzarik Sareen Sarean.

Gainera, Euskadiko Elkarrizketa Zibilaren Mahaiarekin bat egin du orain dela gutxi, eta ondorioz, mahai horretan parte hartzen duten ia sare guztiak Sareen Sareko partaide ere badira.

Sinatu eta gero, Sareen Sareko ohiko dinamikan hasi dira zuzendaritza batzordeko lehenengo bileran parte hartzen.

José Alberto Vicentek (Astialdi Sareko ordezkaria), Gonzalo Rodriguez eta Javier Dominguezek (Sareen Sareko presidentea eta idazkaria) Astialdi Sarea Euskadiko Hirugarren Sektorearen Sarean sartzeko prozesuari amaiera eman diote.

berrikuntza jardunaldia kartela

BERRIKUNTZA ETA EKINTZA SOZIOHEZITZAILEARI BURUZKO II. JARDUNALDIA

Gizarte Hezkuntzako Behatokia/Kontseilua abian

ikusi irakurketa erraza

Gizarte Hezkuntzako Behatokia/ Kontseiluak (UPV/ EHU) berrikuntza eta ekintza soziohezitzaileari buruzko II. jardunaldia antolatuko du, “Gizarte Hezkuntzako Behatokia/ Kontseilua abian” lelopean. Jardunaldia azaroaren 16an ospatuko da Bizkaia Aretoan, Pio Baroja aretoan, Bilbon (Abandoibarra, 3 zenbakian).

Bilboko Gizarte Hezkuntza Garduko Behatokia/ Kontseiluak esparru profesionala eta akademikoa elkarrekin lotzea du helburu. Halaber, hezitzaile, erakundeetako parte-hartzaile, elkargo profesional, sareak, administrazioa, Gizarte Hezkuntzako irakasleria zein ikasleriaren artean lanerako proposamenak sustatu nahi ditu.

Jardunaldiaren helburu nagusi bat izango da behatokia/kontseilua egituraren bitartez gauzatutako berrikuntza eta ikerketa prozesuen emaitzen aurkezpena. Jardunaldiaren beste asmoa izango da eztabaida eta hausnarketa foro bat sortu Gizarte Hezkuntza zein berrikuntza arloko auzi eta asetu gabeko beharrizanen inguruan.

Sareen Sareak jardunaldia aurkeztuko du Euskadiko Hezitzaileen elkargoa, irakasleen unibertsitate eskola, Bilboko eta Gasteizko udala Bizkaiko Foru aldundia eta eusko jaurlaritza ordezkariekin batera. Sareen sarearen ordekari batek Esperientzien Mahaia koordinatuko du, ere bai. Mahai honetan gauzatutako berrikuntza eta ikerketa prozesuen emaitzen aurkeztuko da.

Jardunaldian parte hartzeko inskripzioa egin behar da aldez aurretik.

Gizarte Hezkuntzako Behatokia/ Kontseiluak (UPV/ EHU) berrikuntza eta ekintza soziohezitzaileari buruzko II. jardunaldia antolatuko du, “Gizarte Hezkuntzako Behatokia/ Kontseilua abian” lelopean. Jardunaldia azaroaren 16an ospatuko da Bizkaia Aretoan, Pio Baroja aretoan, Bilbon (Abandoibarra, 3 zenbakian).

Batzar Orokorrak

BFA-K BIZKAIKO ELKARRIZKETA ZIBILERAKO MAHAIA ARAUTZEKO DEKRETUA ONARTU DU.

Batzar Nagusiek eskatu dute deialdia ahalik eta lasterren egiteko

ikusi irakurketa erraza

Urriaren 18an Bizkaiko Foru Aldundiaren Gobernu Kontseilua batzartu zen. Bilera honetan onartu egin du Bizkaiko Elkarrizketa Zibilerako Mahaia (EZM) arautzen duen dekretua.

Horrela izanik, Aldundiaren eta hirugarren gizarte sektorearen arteko elkarrizketa eta kooperaziorako organo hori martxan jartzen duen lehenengo lurralde historikoa da Bizkaia.

Lurraldeetako elkarrizketa zibilerako mahaiak eratzea Euskadiko Hirugarren Gizarte Sektoreko Legean jasota dago. Gaur egun Euskadiko EZM soilik ari da funtzionatzen.

Bizkaiko EZMren buru Unai Rementeria ahaldun nagusia arituko da, eta hirugarren gizarte sektoreko sareek eta Gizarte Ekintza, Enplegu, Gizarteratze eta Berdintasun arloetako Foru sailetako arduradunek osatuko dute.

Urriaren 19an, Batzar Nagusien osoko bilkurak politikari guztiek adostutako testu bat eman du ontzat, Gizarte Ekintza sailari eskatuz Mahaia biltzeko deialdia “ahalik eta arinen” egin dezan, lanerako plan propioa lantzeko.

Testuaren amaieran zera esan dute: “Batzar Nagusi hauek berretsi egin nahi dute ekimen honen baliagarritasuna eta organo horri eskatu nahi diote gizarte esku-hartze arloko ekimenak eta politika sozialak bideratu, ebaluatu eta sustatzeko ekimenak garatzeko”.

 

Bizkaiko Foru Aldundiaren Gobernu Kontseiluak, urriaren 18an egindako azken bileran onartu egin du Bizkaiko Elkarrizketa Zibilerako Mahaia (EZM) formalizatu eta arautzen duen dekretua.

Adineko pertsonen ibilaldia

700 PERTSONA INGURU PARTE HARTU ZUTEN EUSKOFEDERPEN ELKARTEAK ANTOLATUTAKO ADINEKO PERTSONENTZAKO IBILALDIAN

ikusi irakurketa erraza

Euskofederpen Euskal Herriko Erretiratu eta Pentsiodunen Federazioak ibilaldi neurtua antolatu zuen urriaren 22an Donostian, Adineko Pertsonen Egunaren harira. Ekitaldiak parte-hartze zabala jaso zuen, eta bazkide ugari bildu ziren bertan (700 pertsona inguru). Ibilaldi honen bitartez, 2005. urtean egindakoa errepikatu nahi izan zen.

Donostia Kultura Hiriburuarekin bat eginez, Donostiako Udalaren eta Gipuzkoako Foru Aldundiaren babesa jaso zuten antolatzaileek. Hala, Eneko Goia Donostiako Alkatea eta Markel Olano Diputatu Nagusia bertaratu ziren ibilaldira, baita Udaleko zein Aldundiko kargudun ugari ere.

Adineko pertsonek egun bizi duten zahartze aktiboaren erakusgarri argia da ibilaldi hau, eta gizartea zein instituzioak kontzientziatzea du helburu nagusi.

 

Euskofederpen elkarteak antolatutako ibilaldiaren videoa

 

Euskofederpen Euskal Herriko Erretiratu eta Pentsiodunen Federazioak ibilaldi neurtua antolatu zuen urriaren 22an Donostian, Adineko Pertsonen Egunaren harira. Ekitaldiak parte-hartze zabala jaso zuen, eta bazkide ugari bildu ziren bertan (700 pertsona inguru). Ibilaldi honen bitartez, 2005. urtean egindakoa errepikatu nahi izan zen.

Cartel jornada financiacion europea

EUROPAKO FINANTZAKETARAKO SARBIDEARI BURUZKO JARDUNALDIA

ikusi irakurketa erraza

Bizkaiko Hirugarren Sektorearen Behatokitik, Sareen Sarearekin elkarlanean, jardunaldia antolatuko dute. Bilbon izango da Azaroaren 2an. Jardunaldiaren helburuak honako hauek izango dira:

  • - Europako finantzaketarako sarbidearen inguruko Euskadiko errealitatea modu sakonagoan ezagutzea (Euskadiko Hirugarren Sektore Sozialerako interesekoak diren Europako programak eta deialdiak, Euskadiko Hirugarren Sektore Sozialeko erakunde batzuen esperientziak, bideak, laguntzak eta oztopoak…)
  • - Dagoen gabezia azal dezaketen arrazoi batzuk identifikatzea eta aztertzea (batez ere, esparru batzuetakoa)

Horretarako, Europako proiektuetan esperientzia duten sare ugariren (Koopera, Kiribil Sarea eta Sendotu Aldi Berean), Europar Batasunerako Euskadiren Ordezkaritzaren, Europe Direct Bizkaia bulegoaren eta José Manuel Fresnoren (Europako programetan eta Hirugarren Sektore Sozialean aditua) parte-hartzea izango dugu.

Jardunaldia Boluntan ospatuko da (Ronda kalean z/b, Bilbon).

Tokiak mugatuta daude eta jardunaldira joateko interesa duzuenei gogorarazi nahi dizuegu aldez aurretik izena eman beharko duzuela urriaren 28a baino lehen mezua helbide honetara bidalita: Esta dirección de correo electrónico está protegida contra spambots. Usted necesita tener Javascript activado para poder verla.

Jardunaldiaren aurkezpenak:

 Europa Direct Bizkaiaren aurkezpena

Euskadiren Europar Batasuneko Ordezkaritzaren aurkezpena

Fresno Consultingaren aurkezpena

Kooperaren aurkezpena

Kiribil sarearen aurkezpena

Mugarik gabearen aurkezpena

 

Bizkaiko Hirugarren Sektorearen Behatokitik, Sareen Sarearekin elkarlanean, jardunaldia antolatuko dute azaroaren 2an, Bilbon, Europako finantzaketarako sarbidearen inguruko Euskadiko errealitatea modu sakonagoan ezagutzeko (Euskadiko Hirugarren Sektore Sozialerako interesekoak diren Europako programak eta deialdiak, Euskadiko Hirugarren Sektore Sozialeko erakunde batzuen esperientziak, bideak, laguntzak eta oztopoak…); eta dagoen gabezia azal dezaketen arrazoi batzuk identifikatzeko eta aztertzeko (batez ere, esparru batzuetakoa).

EHSS legearen tailerra kartela

EUSKADIKO HIRUGARREN SEKTORE SOZIALARI BURUZKO MAIATZAREN 12KO 6/2016 LEGEARI BURUZKO TAILERRAK

ikusi irakurketa erraza

Azaroan, Bizkaiko Hirugarren Sektorearen Behatokiak eta Sareen Sareak,Euskadiko Hirugarren Sektore Sozialari buruzko maiatzaren 12ko 6/2016 Legeari buruzko hiru tailer labur egingo ditu . Tailerrak Euskadiko Hirugarren Sektore Sozialeko erakundeei eta sareei zuzenduta daude.

Duela gutxi Eusko Legebiltzarrak onartu duen legea mugarri esanguratsua da Euskadiko hirugarren sektore sozialeko erakundeen aitorpenari eta araudi mailako definizioari zein euskal gizartean eskaintzen duten ekarpenari dagokienez.

Tailerretan Euskadiko Hirugarren Sektore Sozialaren Legearen inguruko aurkezpena egingo da. Hala ere, Legearen esanahiari eta garrantziari eta Euskadiko Hirugarren Sektore Sozialeko erakundeetarako eta sareetarako ondorio praktikoei eta garapen eragingarria lortzeko eman beharreko urratsei buruzko gogoeta parte-hartzailea erraztuko da.

Tailer hauek hiru herrialdeetan ospatuko dira eta goizeko 10:00etan hasita, hiru ordu inguruko iraupena izango dute:

  • Azaroaren 4an, ostiralean, Bilbon. BOLUNTAren Ekitaldi Aretoan. Zabalbide kalea, 1.
  • Azaroaren 11n, ostiralean, Gasteizen. Ibaiondo Zentro Zibikoa. Erabilera anitzeko Aretoa. Landaberde kalea, 31
  • Azaroaren 18an, ostiralean, Donostian. TXARA I eraikina, Baratzategi pasealekua, 99.

Legea Rafa Lopez-Arostegik aurkeztuko du. Rafa, legearen lehen aurreproiektua prestatzeko Euskadiko Elkarrizketa Zibilaren Mahaiko laguntza teknikoaz arduratu zen.

Tailerretan parte hartzeko interesa duzuenek helbide elektroniko honetara mezua bidalita eman ahal izango duzue izena: Esta dirección de correo electrónico está protegida contra spambots. Usted necesita tener Javascript activado para poder verla..

Azaroan, Bizkaiko Hirugarren Sektorearen Behatokiak, Sareen Sarearekin elkarlanean,Euskadiko Hirugarren Sektore Sozialari buruzko 2016ko maiatzaren 12ko 6/2016 Legeari buruzko hiru tailer labur egingo ditu Euskadiko Hirugarren Sektore Sozialeko erakundeei eta sareei zuzenduta.

16 proposamen lehen orrialdea

Sareen Sareak gizartea hobetzeko 16 proposamen bidali dizkie euskal alderdi politikoei

Lehendakarigai diren hautesleei eskatu die pertsonen babes sozial eta ongizatearekiko konpromisoa hartzeko

ikusi irakurketa erraza

Euskadiko gizartea hurrengo irailaren 25ean hautetsontzietara joango da lau urteetako Legebiltzarra eta Jaurlaritza hautatzeko.

SAREEN SARETIK, gizarte arloan garrantzia handiko 16 proposamen luzatu dizkiegu Lehendakaritza betetzeko hautagai diren guztiei, gizarte barne-hartzaile, parte-hartzaile, kohesionatu eta solidarioagora bidean aurrera egiteko.

Euskadiko Hirugarren Gizarte Sektoreak, euskal herritarren ongizatearekin konprometituta, pertsonen bizi kalitatea hobetzeko lanean zentratutako Legebiltzar eta Jaurlaritzaren alde egiten du, pertsona orok ongizate maila nahikoa eta babes sozial egokia izan ditzan.

 

Hautestontziekin zita dugu laster Euskadin, datozen lau urteetako Legebiltzarra eta Jaurlaritza hautatzeko.

Hirugarren Sektore Sozialeko Legearen aukezpena Lakuan

Ehun erakundetik gora Hirugarren Gizarte Sektoreari buruzko Legearen aurkezpenean

ikusi irakurketa erraza

150 pertsona baino gehiago izan ziren Eusko Jaurlaritzak antolatutako Euskadiko Hirugarren Gizarte Sektoreari buruzko Legearen aurkezpen-jardunaldian.

Angel Toña Enplegu eta Gizarte Politiketako Sailburuak eta Gonzalo Rodriguez Aguirregoitiak, Sareen Sareko zein Elkarrizketa Zibileko Mahaiko presidenteak, inauguratu zuten jardunaldia.

Lehenengo Legearen oinarrien aurkezpena egin zen; ondoren, egindako ekarpenen zentzua azaltzeko aukera izan zuten arauaren tramitazioan esku hartu duten legebiltzarkideek; eta, azkenik, hirugarren gizarte sektorearen eta erakundeen arteko lankidetzari buruzko mahai-ingurua egin zuten instituzioetako eta sektoreko sareen ordezkariek.

Sailburuak nabarmendu zuenez, “Euskadiko hirugarren gizarte sektoreak gizarte bidezko, solidario, kohesionatu eta parte-hartzaileago bat eraikitzera bidean egiten duen lanaren aitortza da” Lege hau. Eta Sareen Sareko presidenteak, bere aldetik, “gizarte sektorearentzako estatutu juridiko bat izatearen garrantzia" azpimarratu nahi izan zuen.

 

150 pertsona baino gehiago izan ziren Eusko Jaurlaritzak antolatutako Euskadiko Hirugarren Gizarte Sektoreari buruzko Legearen aurkezpen-jardunaldian. Ekitaldia Lakuako areto nagusian burutu zen eta bertan izan ziren sektoreko sare eta erakunde ezberdinetako ordezkariak, toki, foru zein erkidego mailako administrazioetako kargu tekniko eta politikoak, izapide-aldian lege-testua negoziatu duten talde parlamentarietako kideak eta ekitaldira gonbidatutako beste zenbait gizarte eragiletako ordezkariak.

Eusko Legebiltzarra

Pozarren da Sareen Sarea, Euskadiko HGSri buruzko Lege berriak aitortza eta egonkortasuna ekarriko dituelako

Euskadiko hirugarren gizarte sektoreko sareen sareak balorazio positiboa egin dio bere esku-hartze esparrua zehaztu, arautu eta babesteari, eta lege tramitazioaren izaera parte-hartzailea txalotu du.

ikusi irakurketa erraza

Sareen Sareak, positiboki baloratu du Eusko Legebiltzarrak Euskadiko Hirugarren Gizarte Sektoreari buruzko Legea onartu izana. Uste du azken urteotan sektoreak egindako aldarrikapen sendoari erantzunez hartu duela erabaki hori, sektorea aitortu, arautu eta babestuko duen arau bat egon dadin.

Arau berriak juridikoki definitzen du Euskadiko hirugarren gizarte sektorea, baita horren ezaugarri, printzipio eta betebeharrak ere. Hala, nabarmentzen du, legeari esker, gizarte esku-hartzearen esparruan elkarrizketa-espazioak ezarri eta finkatu egingo direla herri administrazioekin eta bestelako gizarte eragileekin.

Era berean, Sareen Sareak azaldu du arauak hirugarren sektorearen garapenari mesede egingo diola, besteak beste, ehundura soziala, gizarte parte-hartzea eta euskal gizartean antolatutako elkartasuna sendotuko dituen sustapen-estrategia bat ezarriz.

Euskadiko Hirugarren Gizarte Sektorearen Behatokiaren sorkuntza ere aipatzen du eta, haren hitzetan, oso baliabide garrantzitsua izango da sektoreko erakunde eta sareen egoera zein bilakaera ikertu eta aztertzeko.

Sareen sareak uste du hirugarren gizarte sektorea funtsezko aktiboa dela euskal gizartean, gizarte bidezko, parekide, solidario, kohesionatu, parte-hartzaile eta demokratiko gisa finkatzeko eta beharrizan sozialei modu egokiagoan erantzuteko. Horretarako, ordea, ezinbestekoa da sektoreen arteko lankidetza eta kolaboraziotik abiatzea eta kolektibo hartzaileen parte-hartzeaz baliatzea.

Halaber, uste du Legeak aitortu egiten dituela gizarte ekimeneko zein irabazi asmorik gabeko erakundeen ekarpen historikoa eta egungo ekarpena.

Sareen Sarea pozik da Legea osatzean sintonia ona egon delako eta legebiltzarreko taldeak tramitazio-prozesuan proposamenak entzuteko eta eztabaidatzeko prest agertu direlako.

Sareen Sareak, hirugarren gizarte sektoreko sareen sareak, positiboki baloratu du Eusko Legebiltzarrak Euskadiko Hirugarren Gizarte Sektoreari buruzko Legea onartu izana (adostasun handiarekin). Uste du azken urteotan sektoreak egindako aldarrikapen sendoari erantzunez hartu duela erabaki hori, sektorea aitortu, arautu eta babestuko duen arau bat egon dadin.

ONCE sariak 2016

ONCE Sari Solidarioen banaketa

Sarituak: Peñascal, Lantegi Batuak, Sabin Ipiña, Aratekoa eta Objetivo Euskadi

Ikusi irakurketa erraza

Instituzioen eta Euskadiko Hirugarren Gizarte Sektorearen ordezkaritza ugari bildu ziren Bilboko BBK Aretoan, ONCE Euskadi 2016 Sari Solidarioen banaketan.

Ekitaldia Bakartxo Tejeria Eusko Legebiltzarreko presidenteak zuzendu zuen.

Aurtengo edizioan, honakoak izan ziren sarituak: Peñascal Kooperatiba (Instituzio, Erakunde, Elkarte, GKEen kategorian); “Objetivo Euskadi”, Euskal Telebistako saioa (Komunikazio kategorian); Sabin Ipiña (Pertsona Fisikoen kategorian); Lantegi Batuak (Enpresa kategorian), eta Arartekoa (Administrazio Publikoen kategorian).

Sariak honakoek banatu zituzten: Eusko Legebiltzarreko presidenteak; Angel Toña, Eusko Jaurlaritzako Enplegu eta Politika sailburuak; Gonzalo Rodriguez, Euskadiko Hirugarren Gizarte Sektoreko Sareen Sareko Presidenteak (ekitaldiaren erakunde antolatzailea); Jose Luis Pinto, ONCEren Presidenteordeak; eta Javier Dominguez, ONCE Euskadiren Lurralde-presidenteak.

ONCE Euskadi 2016 Sari Solidarioak kalifikatzen aritu zen epaimahaia honakoek osatu zuten: Pedro Ontoso, El Correo egunkariko zuzendariordea; Koldo Campo, Bilbao Herri Irratiko ‘Egunon Bizkaia' irratsaioko eta Begirada.org webguneko zuzendaria; Josetxo Hernandez, ASLE Euskadiko Lan Sozietateak taldeko gerentea; Juan Carlos Sola, EDEKAren ordezkaria; Carlos Bargos, Caritas Bizkaiaren zuzendaria; Aurora Madariaga, Deustuko unibertsitateko Aisialdi eta Urritasun Katedraren zuzendaria; Imelda Fernandez, ONCEko kontseilari nagusia; Javier Dominguez, ONCE Euskadiren Lurralde-presidentea; eta Juan Carlos Andueza, ONCE Euskadiren Lurralde-ordezkaria.

Instituzioen eta Euskadiko Hirugarren Gizarte Sektorearen ordezkaritza ugari bildu ziren Bilboko BBK Aretoan, ONCE Euskadi 2016 Sari Solidarioen banaketan parte hartzeko, eta Bakartxo Tejeria Eusko Legebiltzarreko presidenteak zuzendu zuen ekitaldia.

Plan Estrategikoaren lan-jardunaldiaren argazkia

Plan Estrategikoaren lan-jardunaldia

Sareen Sareak bere plan estrategikoa zenbait eragile sozialekin abiarazi du.

Ikusi irakurketa erraza

Sareen Sarea hiru urtetarako Plan Estrategikoa lantzen ari da.

Urtarrilaren 12an erakundeetako ordezkariak bildu ziren Donostian: Eusko Jaurlaritzatik, hiru aldundietatik, hiru hiriburuetako udaletxeetatik, Emakundetik, partidu politikoetatik, sindikatuetatik eta Ekonomia eta Giza-kontseilutik.

Pertsona hauek guztiak taldetan solasean aritu ziren egungo egoeraren eta hirugarren gizarte-sektorearen erronken inguruan.

Sareen Sareako presidente Gonzalo Rodríguez Aguirregoitiak topaketa eta gai sozial, ekonomiko eta politikoen inguruko ideien trukaketa positiboki baloratu zuen.

Sareen Sareak urtarrilaren 12an lan-jardunaldi bat ospatu zuen Donostian; bertan hartu zuten parte bere hamahiru sareetako ordezkariek, Eusko Jaurlaritzako ordezkariek, aldundiek, hiru hiriburuetako udaletxeek, CES eta Emakunde bezalako erakundeek, partidu politikoek, sindikatuek eta hainbat erakunde sozialek.

Hirugarren Gizarte-sektorearen jardunaldiaren argazkia

Hirugarren Gizarte-sektorearen jardunaldia

125.000 bolondres mugitzen dituzte Euskadiko Hirugarren Gizarte-sektorearen 3.500 erakunde

Ikusi irakurketa erraza

Euskadiko Hirugarren Gizarte-sektoreak 3.500 erakunde batzen ditu; erdia baino gehiago Bizkaian.

36.000 langileei ematen die lana. 125.000 bolondres ditu. Pertsona horiek guztiek eta erakundeek urritasunen bat dutenen, baztertze egoeran daudenen, babesgabeen edo hiri eta herriekiko mendekotasun egoeran daudenen eskubideak defendatzen dituzte. Beraien ongizatea zaintzeko zerbitzua ere eskaintzen dute.

Hirugarren Gizarte-sektorearen Liburu Zuriak daktu interesgarri asko ematen ditu hirugarren gizarte-sektoreko euskal erakundeen inguruan.

Bizkaiako Hirugarren Gizarte-sektoreko Behatokiak eta Sareen Sareak ikerketa aurkeztu zuten Bilboko jardunaldi batean.

Jardunaldia inauguratu zuten Gorka Martinez BBK Fundazioko zuzendari orokorrak, Jon Mancisidor EDE Fundazioko ordezkariak, Gonzalo Rodríguez Sareen Sareako presidenteak, Unai Rementeria Bizkaiako Ahaldun Nagusiak eta Lide Amilibia Gizarte-Politikako Sailburuordeak. Ekitaldiari amaiera eman zioten Iñigo Pombo Bilboko Udaleko Gizarte-Politikako zinegotziak eta Isabel Sánchez Robles Akzio Sozialeko Diputatuak.

Euskadiko Hirugarren Gizarte-sektoreak iniziatiba sozialeko 3.500 elkarte biltzen ditu; horien %53k Bizkaian du egoitza, %29k Gipuzkoan eta %14k Araban. Guztiak kontuan hartuta, 36.000 langile daude lanean eta 2013an 1.451 euroko kopurua kudeatu zuten, %2.2ko euskal PIBren baliokidea dena.

Lehendakariarekin saio bereziaren argazkia

Lehendakariarekin saio berezia

Hirugarren gizarte-sektoreko sareek lehendakariari beraien kezkak eta egungo erronkak adierazi zizkieten

Ikusi irakurketa erraza

Hizketa Zibileko Mahaiak saio berezia izan du. Iñigo Urkullu lehendakaria izan da bileran.
Hizketa Zibileko Mahaia Euskadiko Hirugarren Gizarte-sektoreak parte hartzen duen elkarterik garrantzitsuena da. Mahai honek Eusko Jaurlaritza eta hirugarren gizarte-sektoreko erakunde euskaldunak biltzen ditu. 14 sare daude ordezkatuta.

  • Euskadi garatzeko GKE koordinatzailea
  • Araba, Gipuzkoa eta Bizkaiako pentsiodunen eta jubilatuen Lurraldeko Elkarteen Federazioa
  • Zaharren egoitzen eta adineko pertsonen harrera zerbitzuen euskal erakundea – esparru solidarioa
  • Urritasun Fisikoa eta Organikoa duten Pertsonen Koordinakundearen Konfederazioa
  • Adimen urritasuna duten pertsonen aldeko Euskadiko Erakundeen Federazioa
  • Buru gaixotasuna duten persona eta senide elkarteen Euskadiko federazioa
  • Nazioarteko Itsuen Erakundea
  • Urritasuna duten Pertsonen Euskal Enplegu Webgunea
  • Etorkinei laguntza emateko Euskadiko GKE Koordinakundea
  • Gizarteratzeko eta Laneratzeko Euskadiko Enpresen Elkartea
  • Ekonomia Alternatibo eta Solidarioaren Sarea
  • Pobrezia eta bazterketaren aurkako europar sarea Euskadin
  • Kide Ugariko Familien Ekarteetako Euskadiko Federazioa
  • Euskadiko gizarte ekimeneko eta esku hartzeko entitateen elkartea

Hauek guztiek egungo krisiaren inguruko erronka eta kezkak azaldu zizkioten Lehendakariari. Etxebizitza, enplegua, hezkuntza, osasuna eta justiziaren inguruko elkarrizketa eta akordioak eskatu zizkioten. Pertsona guztientzako ongizatea lortzea da beraien helburua.

Gobernuari hirugarren gizarte-sektorea indartzea eta iniziatiba soziala sustatzea ere eskatu zioten.

Lehendakariak sareen iradokizunak jaso zituen eta izpiritu kritikoa izatera eta pertsonen ongizatea hobetzen laguntzera animatu zituen.

Hizketa Zibileko Mahaiak ordezkatzen dituen Euskadiko Hirugarren Gizarte-sektoreko hamalau elkarteek duela gutxi beraien kezka eta erronkak adierazi zizkieten Iñigo Urkullu Lehendakariari; krisi garai honetan bakoitzak bere esparrutik elkarlanean gizarte justuago, elkartuago eta parekideago bat eraikitzeko.

Albiste sekzioaren argazkia

Euskadiko Hirugarren Gizarte-sektorearen inguruko informazio interesgarri guztia eskura jartzen dizugu


Open Government Partnership

Banner de la Jornada del tercer sector social de Euskadi

banner abierto plazo sareen saria 2019

Webgune honek Cookie-ak erabiltzen ditu gure zerbitzuak hobetzeko informazioa biltzeko eta erabiltzaileen nabigatze ohiturak aztertzeko. Nabigatzen jarraitzen baduzu, instalakuntza onartu egin duzula esan nahiko du. Erabiltzaileak aukera du, nahi izanez gero, nabigatzailearen ezarpenak aldatuz disko gogorrean instalatzea ekiditea, webguneko nabigazioan zailtasunak eragin baditzake ere.

Ados