Euskadiko Elkarrizketa Zibilerako Mahaia, 2020ko maiatzaren 12koa

EUSKADIKO ELKARRIZKETA ZIBILERAKO MAHAIAK COVID-19ak HIRUGARREN SEKTORE SOZIALEAN IZAN DUEN ERAGINA AZTERTU DU

Hirugarren Sektore Sozialaren Euskal Behatokiak egindako txostenaren datuak aurkeztu dira

Ikusi irakurketa erraza

Euskadiko Hirugarren Sektore Sozialaren Egunarekin bat eginez, Iñigo Urkullu lehendakariak Elkarrizketa Zibilerako Mahaian parte hartu du, eta bertan, Covid-19ren krisialdian gizarte-erakundeek bizi izan duten egoera aztertu dute.

Hirugarren Sektore Sozialaren Euskal Behatokiak egindako txostenaren datuak aurkeztu dira, hirugarren sektore sozialeko erakundeak errealitate berri horretara nola egokitu diren islatzen dutenak.

Erakunde gehienek beren zerbitzuak aldatu edo birbideratu behar izan dituzte osasun-krisian.

Pablo Gonzalezek, Sareen Sareako presidenteak, erantzun solidario bat egituratu behar dela azpimarratu du, lotura sozialei eustea bultzatuko duena.

Euskadiko Hirugarren Sektore Sozialaren Egunarekin bat eginez, Iñigo Urkullu lehendakariak Elkarrizketa Zibilerako Mahaian parte hartu du, eta bertan, 19-Covidaren krisialdian gizarte-erakundeek bizi izan zuten egoera aztertu dute.

Hirugarren Sektore Sozialaren Euskal Behatokiak apirilean egindako azterlan baten arabera, gizarte-erakundeen % 83,2k Covid-19aren osasun-krisialdian zerbitzu edo jardueretan eragindako aldaketa edo berbideratzea bizi izan dute, eta erakundeen % 81ek jardueraren bat bertan behera utzi edo eten behar izan dute. Gainera, gizarte-erakundeen ia erdiak (% 46) zuzeneko arretako zerbitzuak itxi behar izan ditu, baina erakundeen % 38k jarduera berriak sartu ditu, behar berriei erantzuteko. Hamar erakundetatik zortzik online formatura edo telefono bidezko konpainia-zerbitzura bihurtu dituzte beren zerbitzuak.

Txosten horren datuak Elkarrizketa Sozialeko Mahaiaren bileran ezagutzera eman dira. Bilera Euskadiko Hirugarren Sektore Sozialaren Eguna dela-eta egin da, eta bertan Iñigo Urkullu lehendakariak parte hartu du. Bilera horretan, Beatriz Artolazabal Eusko Jaurlaritzako Enpleguko eta Gizarte Politiketako sailburua, bere taldearen ordezkaritza nahiko zabala eta Pablo González Sareen Sareako presidentea izan dira, hirugarren sektore sozialeko hogei bat ordezkarirekin batera.

Hirugarren Sektore Sozialak osasun krisian izan duen "egokitzeko gaitasuna" azpimarratu nahi izan du lehendakariak. Beatriz Artolazabalek honako hau adierazi du: “pandemia, birus eta konfinamenduaren garai zail honetan, beste epidemia geldiezin bati eman nahi diogu bide: bazterketaren aurka eta pertsona kalteberenen alde su eta gar borrokan ari direnen gizarte-aitorpenarena eta elkartasunarena"

Azkenik, Pablo González Elkarrizketa Zibilerako Mahaiko eta Sareen Sareako presidenteak honako hau esan du: “hirugarren sektore sozialeko erakundeotan, gizarte-loturei eustea sustatzen duen eta horretarako bide ematen duen erantzun solidarioa antolatzeko beharra nabarmendu nahi dugu. Isolamenduaren eta indibidualismoaren aurrean, elkartasunak ondasun komunaren bilaketa gidatu behar du. Nahiz eta asaldura eta ziurgabetasuneko testuinguruan jarraitzen dugun, itxaropena dago. Hirugarren sektore sozialak esperientzia handia du ingurune desafiatzaileetan lan egiten”, esan du Gonzálezek amaitzeko.

Informazio gehiago

 

 

Albiste sekzioaren argazkia

Euskadiko Hirugarren Gizarte-sektorearen inguruko informazio interesgarri guztia eskura jartzen dizugu


Primer congreso tercer sector social Euskadi 2020 aplazado

banner suscripcion boletin eus

Open Government Partnership

Banner de la Jornada del tercer sector social de Euskadi

Webgune honek Cookie-ak erabiltzen ditu gure zerbitzuak hobetzeko informazioa biltzeko eta erabiltzaileen nabigatze ohiturak aztertzeko. Nabigatzen jarraitzen baduzu, instalakuntza onartu egin duzula esan nahiko du. Erabiltzaileak aukera du, nahi izanez gero, nabigatzailearen ezarpenak aldatuz disko gogorrean instalatzea ekiditea, webguneko nabigazioan zailtasunak eragin baditzake ere.

Ados