Hirugarren Sektore Sozialean berrikuntza sustatzeko saio parte-hartzailea

BERRIKUNTZA EUSKADIKO HIRUGARREN SEKTORE SOZIALEAN

Hogei bat erakundek parte hartuko dute Euskadin berrikuntza soziala sustatzeko prozesuan

Irakurketa erraza ikusi

Euskadiko Hirugarren Sektore Sozialeko hainbat erakundek gizarte-berrikuntzako proiektua diseinatzeko prozesu batean parte hartu dute.

Berrikuntza ezagutzan oinarritutako aldaketa da, balioa sortzen duena, kasu honetan, balio soziala.

Lehen jardunaldi honetan, Berdintasun, Justizia eta Gizarte politiketako Saileko sailburuorde Lide Amilibia eta Kataluniako Fundació iSocialeko zuzendari Toni Codina izan dira hizlari.

Gaur hasi den prozesua datorren urteko abenduan amaituko da, Hirugarren Sektore Sozialean berrikuntza sustatzeko ekimenen pilotajearekin.

Innobasquek, Sareen Sareak eta Eusko Jaurlaritzak tailer parte-hartzaileak antolatu dituzte, Euskadin berrikuntza soziala sustatzeko ekimenak ezagutu eta diseinatzeko helburuarekin. 

Euskadiko Hirugarren Sektore Sozialeko hogei bat erakundek, tamaina eta eremu sozial desberdinetakoak, gizarte-berrikuntzari buruzko lehenengo partaidetza-saioetan parte hartu dute. Gaurko online-jardunaldia hasi aurretik, prozesua aurkeztu eta testuinguruan kokatu dute Berdintasun, Justizia eta Gizarte politiketako Saileko sailburuorde Lide Amilibiak eta Sareen Sareako koordinatzaile Mikel Barturenek.

Saioa hasteko, Goizalde Atxutegik, Innobasqueko berrikuntza publikoko proiektuen arduradunak, berrikuntzari buruzko azalpen orokor bat eman die parte-hartzaileei. Bestalde, Toni Codinak, gizarte-ekintzaren berrikuntzarako Kataluniako Fundació iSocialeko zuzendariak, hirugarren sektore sozialari zuzendutako berariazko azalpena eman du.

Lehen saio honetan berrikuntza sozialaren balioa azpimarratu da; izan ere, hirugarren sektore sozialean berritzeko azken arrazoia ez txikia, gizartea eraldatzea baizik. Zentzu horretan, berrikuntza ezagutzan (ez soilik zientifikoan) oinarritutako eta balioa (ez soilik ekonomikoa) sortzen duen aldaketa (ez soilik teknologikoa) oro bezala ulertu behar da.

Prozesua hiru fasetan

Gaur hasi den prozesu honek hiru fase ditu, Euskadiko Hirugarren Sektore Sozialean berrikuntza sustatzeko ekimenak pilotatzea helburu dutenak. Gaurko saio parte-hartzailearen ondoren, bigarren jardunaldi bat egingo da abenduan. Horrekin, lehen fasea amaituko da, sektoreko berrikuntzari buruzko esparru bat eraikitzeko. Bigarren fasea 2021eko urtarriletik ekainera bitartean egingo da, eta bertan, datuak biltzeko probatze-prozesu bat jarriko da martxan. Datorren urteko azken seihilekoan, gizarte-berrikuntzarako ekimenen baterako diseinuarekin eta pilotajearekin amaituko da.

Albiste sekzioaren argazkia

Euskadiko Hirugarren Gizarte-sektorearen inguruko informazio interesgarri guztia eskura jartzen dizugu


Primer congreso tercer sector social Euskadi 2020 aplazado

banner suscripcion boletin eus

Open Government Partnership

Banner de la Jornada del tercer sector social de Euskadi

Webgune honek Cookie-ak erabiltzen ditu gure zerbitzuak hobetzeko informazioa biltzeko eta erabiltzaileen nabigatze ohiturak aztertzeko. Nabigatzen jarraitzen baduzu, instalakuntza onartu egin duzula esan nahiko du. Erabiltzaileak aukera du, nahi izanez gero, nabigatzailearen ezarpenak aldatuz disko gogorrean instalatzea ekiditea, webguneko nabigazioan zailtasunak eragin baditzake ere.

Ados