Plan Estrategikoaren lan-jardunaldiaren argazkia

Plan Estrategikoaren lan-jardunaldia

Sareen Sareak bere plan estrategikoa zenbait eragile sozialekin abiarazi du.

Ikusi irakurketa erraza

Sareen Sarea hiru urtetarako Plan Estrategikoa lantzen ari da.

Urtarrilaren 12an erakundeetako ordezkariak bildu ziren Donostian: Eusko Jaurlaritzatik, hiru aldundietatik, hiru hiriburuetako udaletxeetatik, Emakundetik, partidu politikoetatik, sindikatuetatik eta Ekonomia eta Giza-kontseilutik.

Pertsona hauek guztiak taldetan solasean aritu ziren egungo egoeraren eta hirugarren gizarte-sektorearen erronken inguruan.

Sareen Sareako presidente Gonzalo Rodríguez Aguirregoitiak topaketa eta gai sozial, ekonomiko eta politikoen inguruko ideien trukaketa positiboki baloratu zuen.

Sareen Sareak urtarrilaren 12an lan-jardunaldi bat ospatu zuen Donostian; bertan hartu zuten parte bere hamahiru sareetako ordezkariek, Eusko Jaurlaritzako ordezkariek, aldundiek, hiru hiriburuetako udaletxeek, CES eta Emakunde bezalako erakundeek, partidu politikoek, sindikatuek eta hainbat erakunde sozialek.

50 lagun inguruk parte hartu zuen Donostiako Ernest Lluch kultur etxeko ekitaldi aretoan ospatutako jardunaldian; eragile sozial ezberdinek eta administrazioko zein bestelako organismo publikoetatik etorri ziren. Jardunaldia Sareen Sarearen Euskadiko Hirugarren Gizarte-sektorea lantzen ari den Plan Estrategikoaren baitan kokatzen da.

Gonzalo Rodríguez Aguirregoitia Sareen Sareako lehendakariaren aurkezpenarekin hasi zen Saioa. Ondoren, Rafa López-Arósteguik, Bizkaiko Hirugarren Gizarte-sektoreko Behatokiko koordinatzaileak -duela gutxi Euskadiko Hirugarren Gizarte-sektorearen Liburu Zuriaren aurkezpenean parte hartu zuen-, hausnarketa bat eginez jarraitu zuen.

Bertaratutako guztien arteko taldeko solasaldietan, joeren, planteamendu eta gako sozialen inguruan hitz egin zuten, Euskadiko Hirugarren Gizarte-sektoreak garatu beharreko lanaren testuinguru politikoa eta ekonomikoa landu baitzituzten. Bigarren zatiak Sareen Sareako hamahiru kideen parte hartzea izan zuen.

Jardunaldiaren amaieran, Sareen Sareako lehendakariak saioa “arrakastatsua” izan zela esan zuen: “elkarrizketa garrantzitsua edukitzea lortu dugu administrazio publikoarekin, sindikatuekin, partidu politikoekin eta Hirugarren Sektoreko erakunde sozialekin”. Horrela, “datozen urteetarako lerroak ezartzeko eraginkorra izan da. Lan honek ekarpen handia egiten dio Sareen Sareari, baina baita Euskadiko Hirugarren Gizarte-sektoreari ere”.

Rodríguez Aguirregoitiaren ustez, eragile sozialek “balorazio positiboa egin dute Hirugarren Sektorearekin elkarrizketa mamitsua izan dutelako” bizi duten errealitatearen inguruan. Diagnostikoarekin amaitu ostean, martxan jarri beharreko lerro estrategikoak zehaztu behar dira. Prozesu horretan lanean jarraituko dute sareen sareek datozen hilabeteetan.

Albiste sekzioaren argazkia

Euskadiko Hirugarren Gizarte-sektorearen inguruko informazio interesgarri guztia eskura jartzen dizugu


banner suscripcion boletin eus

Open Government Partnership

Banner de la Jornada del tercer sector social de Euskadi

Webgune honek Cookie-ak erabiltzen ditu gure zerbitzuak hobetzeko informazioa biltzeko eta erabiltzaileen nabigatze ohiturak aztertzeko. Nabigatzen jarraitzen baduzu, instalakuntza onartu egin duzula esan nahiko du. Erabiltzaileak aukera du, nahi izanez gero, nabigatzailearen ezarpenak aldatuz disko gogorrean instalatzea ekiditea, webguneko nabigazioan zailtasunak eragin baditzake ere.

Ados